Amethi Mein Is Baar Parivartan Hoga Amit Shaah

Breaking »

Amethi Mein Is Baar Parivartan Hoga  Amit Shaah

Varanasi / amethi: bhaarateeya janta party (BJP) ke uttar pradesh prabhaari aur Narendra Modi ke kareebi amit shaah ne daava kiya hai ki amethi mein bhi Modi ki lahar chal rahi hai aur arse se Nehru-Gandhi parivaar ki raajaneetik jameen bane is kshetr ki janta is baar naya itihaas likhegi. amethi mein Congress upaadhyaksh Rahul Gandhi ke khilaaf BJP ne smruti Irani ko utaara hai, jabki aam aadmi party ki taraf se Kumar vishvaas maidaan mein hain. amit shaah ne amethi mein matadaan ke dauraan suraksha ko lekar chinta jataai hai. Unka kehna hai ki poling boothon par surakshaakarmiyon ki sankhya badhaai jaani chaahiye. Amit shaah ka aarop hai ki pradesh sarkaar matadaan ke dauraan apni machinery ka durupayog kar sakti hai. is beech, BJP ke amethi chunaav prabhaari govind Narayan shukla ne bataaya ki party ke pradhaanamantri pad ke ummeedavaar Narendra Modi aagaami 5 May ko amethi ke gaureeganj mein janasabha ko sambodhit kareinge. (input bhaasha se bhi)

Amethi Mein Is Baar Parivartan Hoga Amit Shaah http://www.angrejinews.com/pic/49421