Amethi Mein Booth Ke Andar Black Board Par Kamal Ka Nishaan, Rahul Gandhi Ne Jataai Aapatti

Breaking »

Amethi Mein Booth Ke Andar Black Board Par Kamal Ka Nishaan, Rahul Gandhi Ne Jataai Aapatti

Amethi: amethi ke ek poling booth ke andar black board par bhaajapa ka chunaav chinh kamal ki tasveer bane hone ka Congress upaadhyaksh aur yahaan se party ummeedavaar Rahul Gandhi ne virodh kiya hai. yeh poling booth ek school mein bana hai, jahaan board par kamal ki tasveer bani hui thi. Amethi mein matadaan ke dauraan booth-dar-booth ka jaayaja le rahe Rahul Gandhi ne is tasveer par aapatti jataai hai. Rahul ne booth par maujood chunaav karmachaariyon se iski shikaayat ki. Unhonne kaha ki yeh chunaav aachaar sanhita ka ullanghan maamala hai. Congress party chunaav aayog ko bhi is baabat alag se shikaayat darj karaaegi. paramparaagat roop se Gandhi parivaar ke gadh rahe amethi sansadeeya seat par is baar Rahul Gandhi ko BJP ki smruti Irani aur aam aadmi party ke Kumar vishvaas chunauti de rahe hain. Rahul Gandhi ko pehli baar kadi chunauti ka saamana karna pad raha hai aur isliye vah voting ke din amethi mein maujood rahakar booth-dar-booth ghoomkar matadaan ka jaayaja le rahe hain.

Amethi Mein Booth Ke Andar Black Board Par Kamal Ka Nishaan, Rahul Gandhi Ne Jataai Aapatti http://www.angrejinews.com/pic/49839