Amethi Aur Raayabareli Seat Congress Ke Liye Chhodeingi SP-BSP

Breaking »

Amethi Aur Raayabareli Seat Congress Ke Liye Chhodeingi SP-BSP

Deep Singh, Lucknow Congress yadi gathabandhan ka hissa naheen bani, to bhi SP-BSP uske liye do seatein chhodeingi. Loksabha chunaav 2019 ke liye seat bantavaare ki kasarat mein juti donon paartiyon ne tay kiya hai ki raayabareli aur amethi seat par apna pratyaashi naheen utaareingi. Filhaal SP-BSP 78 seaton par chunaav ladne ki taiyaari ke saath seat bantavaare ko antim roop de rahi hain. SP aur BSP 2019 mein saath milkar ladne ka ailaan pehle hi kar chuki hain. Kaun kitni seat par chunaav ladega, iska ailaan abhi naheen kiya gaya hai. Donon ke beech seat bantavaare ka pehla aadhaar pichhle chunaav ka pradarshan hi hai. Fir bhi haaliya nagar nikaaya chunaav mein achhe pradarshan aur Gorakhpur-evam foolapur mein samarthan se SP ko seat jitaane ke baad maayaavati ne yeh sandesh de diya hai ki unke votar ab bhi ek ishaare par vote kar sakte hain. Aisi sthiti mein BSP ka palada bhaari hai. Maayaavati lagaataar yeh bhi ishaara karti rahi hain ki vah gathabandhan kareingi to unhein sammaanajak seatein chaahiye. Vaheen Akhilesh bhi Rajyasabha mein BSP ki haar ke baad kah chuke hain ki samaajavaadi bade dil vaale hain. Mauka aane par jo kar sakte hain kareinge. Isse saaf hai ki BSP jyaada seatein chaahegi aur Akhilesh bhi kuchh samjhauta karne ko taiyaar hain. Congress ke liye doosra vikalp bhi taiyaarafilaahal gathabandhan ke liye SP-BSP ki Congress se koi thos baat naheen hui hai. Fir bhi BJP virodh aur bhavishya ki raajaneeti ko dhyaan mein rakhate hue donon dal Congress ke saath dostaana sambandh banaae rakhana chaahate hain. Yahi vajah hai ki donon paartiyaan raayabareli aur amethi mein apna pratyaashi naheen utaar raheen. Sootron ka kehna hai ki abhi Loksabha chunaav mein vakt hai. Tab tak paristhitiyaan badal bhi sakti hain. Yahi vajah hai ki donon dalon ne doosra vikalp bhi chhod rakha hai. Yadi gathabandhan mein Congress ko bhi shaamil karna pada to 15 seatein uske aur anya chhoti paartiyon ke liye chhodi ja sakti hain.

Amethi Aur Raayabareli Seat Congress Ke Liye Chhodeingi SP-BSP http://www.angrejinews.com/pic/202255