Ameriki Raashtrapati Ko Mirjaapur Mein Bani Ghadi Pahane Dekhna Chaahata Hoon Rahul Gandhi

Breaking »

Ameriki Raashtrapati Ko Mirjaapur Mein Bani Ghadi Pahane Dekhna Chaahata Hoon  Rahul Gandhi

File photo File photo Nai Delhi: Congress upaadhyaksh Rahul Gandhi ne bhaarateeya janta party (BJP) ke neta Narendra Modi par nishaana saadhate hue kaha ki America ka raashtrapati Bhaarat ke yuvaaon ki shakti se asurakshit mahasoos karta hai, lekin Gujarat ke chaukeedaar (Modi) ko yuva shakti ka ehsaas naheen hai. mirjaapur mein kaagres ki chunaavi rally ko sambodhit karte hue Rahul ne kaha, 'America ke raashtrapati Barack Obama kehte hain ki cheen ke baad unhein Bhaarat ke yuvaaon ki shakti se dar lagta hai. Yaani America ke raashtrapati ko hamaare yuvaaon ki shakti ka ehsaas hai, lekin Gujarat ke chaukeedaar ko yuvaaon ki shakti ka ehsaas naheen hai. ' Rahul ne kaha, 'Gujarat ka chaukeedaar kehta hai ki desh ke yuva bekaar aur shaktiheen hain. ' unhonne kaha ki jhooth ka prachaar karne vaale Modi ke Gujarat model ko log bakhoobi samajh gaye, isliye Modi ne apne bhaashanon mein Gujarat model ka jikr karna band kar diya hai. Rahul ne yahaan kaha. 'Main ek aisa din dekhna chaahata hoon ki ameriki raashtrapati jab vakt jaanane ke liye apni ghadi dekhein to usamein 'Med in mirjaapur' likha paae. Fir vah poochheinge, yeh mirjaapur kahaan hai? ' Rahul ne kaha, 'Modi aur BJP ki soch kuchh khaas logon ko vikaas karna aur desh ko baantana hai, jabki Congress party ki soch sabko saath lekar samaaj ke har vyakti ko shakti dena hai. ' unhonne BJP ko gareeb virodhi bataaya aur kaha ki jab Congress sarkaar ne bhojan ka adhikaar aur mahaatma Gandhi graameen rojagaar guaranty adhiniyam (manarega) jaisi janakalyaanakaari yojanaaen shuroo ki to BJP sahit vipakshi dalon ne ismein roda atkaane ki koshish ki. Rahul ne kaha, 'Modi bhaashanon aur postaron mein mahilaaon ko sashakt karne ki baat to karte hain, lekin mahilaaon ke peechhe police lagaate hain aur unke phone tape karaate hain. ' unhonne kaha, 'Gujarat mein mahila phone par baat karti hain to unhein dar lagta hai ki kaheen Modi unka phone to naheen sun rahe. ' Rahul ne chutaki lete hue kaha ki aajkal BJP mein Advani ji ko Advani kaha jaane laga hai aur adaani ko adaani ji.

Ameriki Raashtrapati Ko Mirjaapur Mein Bani Ghadi Pahane Dekhna Chaahata Hoon Rahul Gandhi http://www.angrejinews.com/pic/49768