Ameriki Pratibandhon Se Kaise Niptein Charcha Ke Liye Bhaarat Aa Rahe Iran Ke Mantri

Breaking »

Ameriki Pratibandhon Se Kaise Niptein Charcha Ke Liye Bhaarat Aa Rahe Iran Ke Mantri

Indraani baagachi, nai Delhi America ne duniyaabhar ke deshon se Iran ke saath sambandhon ko khatm karne ke saath hi tel na khareedne ko kaha hai. Bhaarat par bhi dabaav badh raha hai, is beech Iran agale hafte apne upavidesh mantri Abbas araakachi ko nai Delhi bhej raha hai. Daraasal, 4 November se prabhaavi honevaale ameriki pratibandh se pehle Bhaarat aur Iran ko isse nipatne ka sabse maakool raasta nikaalna hai. Araakachi ka daura mahatvapoorn hai kyonki Iran nyookliyr deal ya jauint kaumprihensinv plaan of aikshan ke vah ek pramukh vyakti hain. Unka Bhaarat daura aise samay mein ho raha hai jab haal hi mein Iran ke ek varishth raajanayik ne Bhaarat ko dhamaki bhare lahaje mein kaha tha ki agar usane (Bhaarat) tel khareedna kam kiya to use karaara javaab diya jaaega. Aapko bata dein ki Iran se tel aayaat June mein 15.9 feesadi kam raha, haalaanki free shiping aur 60 din ka kredit peeriyd badhaane ke baad Bhaarat ne inatek mein vruddhi ki hai. Media mein bayaan saamane aane ke baad videsh mantraalaya ke adhikaariyon ne Iran ke raajaniyk se mulaakaat ki to unhonne bataaya ki unke bayaan ko galat tareeke se pesh kiya gaya. Padhein: Trade vaur se Bhaarat mein aaegi saste tel ki bahaar Isi hafte America ke videsh mantri Mike pompiyo ne ek mahatvapoorn bayaan diya, jismein unhonne sanket diya ki kuchh deshon ko pratibandhon se chhoot mil sakti hai. Pompiyo ne kaha, 'Kuchh chuninda desh aise honge jo America se aakar pratibandhon se raahat ke liye kaheinge. Ham is par vichaar kareinge. ' Padhein: US pratibandhon se nipatne ko taiyaar Iran, jaari rakhega tel ki bikri Sootron ka kehna hai ki Washington Iraq se hokar graahakon tak tel pahunchaane se Iran ko rokana chaahega. Iske alaava bhi vah kai kadam utha sakta hai. Haalaanki agar America Bhaarat ko 'Mahatvapoorn kami' ko lekar kuchh chhoot deta hai tab bhi Bhaarat ke liye mushkil hogi. Daraasal, Bhaarat ke liye chaabahaar aur central asian kanektiviti corridor ko lekar apne hiton ki raksha karne ki chunauti hai. Filhaal Iran ko duniya ke saamane maujood aapoorti samasya se madad mil sakti hai. US shel ka niryaat ho raha hai lekin kharaab paaipalaain dhaanche ke kaaran badi samasya ho rahi hai. Udhar, Saudi arab ne 20 lakh barrel pratidin atirikt tel aapoorti ka vaada kiya hai lekin oorja visheshagyon ka kehna hai ki yeh 10 lakh se jyaada naheen ho sakta hai.

Ameriki Pratibandhon Se Kaise Niptein Charcha Ke Liye Bhaarat Aa Rahe Iran Ke Mantri http://www.angrejinews.com/pic/213846