Ameriki Kaarobaariyon Ne Pichhle Varsh 22 Lakh Rojagaar Paida Kiye Obama

Business »

Ameriki Kaarobaariyon Ne Pichhle Varsh 22 Lakh Rojagaar Paida Kiye  Obama

Washington: Ameriki raashtrapati Barack Obama ne shanivaar ko kaha ki America mein companiyon ne pichhle saal 22 lakh rojagaar ka srujan kiye. Unhonne kaha ki Congress ko ghaata kam karne aur aarthik vruddhi ko protsaahit karne va rojagaar srujan karne mein ek santulit rukh apnaane par milkar kaam karna chaahiye. Raashtra ko apne saaptaahik sandesh mein Obama ne kaha ki ''Agar desh ki raajaneeti roda naheen banti hai'' to desh ki arthavyavastha 2013 mein teji ki raah par badhne ko taiyaar hai. Raashtrapati ne kaha ki is saal ki shuruaat mein arthashaastriyon aur udyogapatiyon ne kaha ki desh 2013 mein vikaas ki raah par badhne ko taiyaar hai. ''Aur is pragati ke vaastavik sanket mil rahe hain. Aavaaseeya ikaaiyon ke daam fir se badhne lage hain. Kaaron ki bikri paanch saal ke uchch star par hai. Vinirmaan kshetr fir se patari par laut raha hai. '' Obama ne apne sambodhan mein kaha, ''Hamaare kaarobaariyon ne pichhle saal 22 lakh naukaariyaan paida ki. Hamein pata chala hai ki hamaari arthavyavastha ne pichhle kuchh maheenon ke dauraan arthashaastriyon ke anumaan se adhik rojagaar paida kiye hain. ''

Ameriki Kaarobaariyon Ne Pichhle Varsh 22 Lakh Rojagaar Paida Kiye Obama http://www.angrejinews.com/pic/944