Ameriki Arthavyavastha Behtar Sthiti Mein Barack Obama

Business »

Ameriki Arthavyavastha Behtar Sthiti Mein  Barack Obama

Washington: Ameriki raashtrapati Barack Obama ne kaha hai ki unke prashaasan ne jo kade nirnaya kiye hain, usase arthavyavastha mein sudhaar aaya hai aur yah pragati ke maarg par agrasar hai. Unhonne kaha ki jahaan anya desh vitteeya sankat se joojh rahe hain, vaheen America ki sthiti behtar hai. Obama ne kaha, vaastav mein hamein abhi bahut kuchh karna hai, khaaskar majaboot madhyam varg taiyaar karne ke liye kai kadam uthaane hain, lekin yah bhi sach hai ki jahaan ek taraf kai desh vitteeya samasyaaon se joojh rahe hain, vaheen America ki sthiti aane vaale kal ke liye behtar hai. Jack lev ko naya vitt mantri naamit kiye jaane ke mauke par white house mein aayojit ek kaaryakram mein unhonne yah baat kahi. Obama ne kaha ki nivartamaan vitt sachiv Timothy Geithner ne kai kade nirnaya kiye jiska sakaaraatmak asar desh ki arthavyavastha par pada. Geithner ki saraahana karte hue unhonne kaha ki desh ko aarthik sankat se baahar niklaane mein unki mahatvapoorn bhoomika rahi. Raashtrapati ke vafaadaar maane jaane vaale lev filhaal Obama ke 'Cheef of staaf' hain. Lev ke naam par anumodan ke liye ameriki senate se manjoori ki jaroorat hai. Obama ne kaha ki ameriki arthavyavastha pichhle teen saal se tarakki ke raaste par laut I hai aur desh ke kaarobaar ne kareeb 60 lakh nae rojagaar srujit kiye hain. Unhonne kaha, humne vitteeya vyavastha ko bachaane ke liye jo dhan kharch kiye, usamein bada hissa laut aaya hai. Humne aise niyam banaae hain, jisse fir se us prakaar ki vitteeya sankat aane se roka jaae. Vaahan udyog ko bachaaya gaya hai. Humne aisi vyavastha ki hai ki agar badi companiyaan vifal hoti hai to iska asar kardaataaon par naheen pade. Apni tippani mein Geithner ne ameriki arthavyavastha ko patari par laane ke liye Obama ki saraahana ki.

Ameriki Arthavyavastha Behtar Sthiti Mein Barack Obama http://www.angrejinews.com/pic/263