Ameriki Agro Praudakts Par Duty Badhne Se Mahange Honge Seb Aur Akharot

Business »

Ameriki Agro Praudakts Par Duty Badhne Se Mahange Honge Seb Aur Akharot

Maadhavi saili, nai Delhi America se aane vaale agro praudakts par adhik import duty lagaane ke Bhaarat ke kadam se akharot ke daam jald badh jaaenge. Iske alaava July se seb ki keematon mein bhi vruddhi hogi. Isse Jammu aur Kashmir aur Himachal pradesh ke kisaanon ko faayda hoga. Tredars ne bataaya ki akharot ke khudara daam 10-15 parseint badh sakte hain. Seb ugaane vaale kisaanon ko July se shuroo hone vaale kataai ke season mein 8-9 parseint adhik keematein mil sakti hain. Import duty badhne se daalon ki keematon aur upalabdhata par asar naheen padega. Daalon ke vyaapaariyon ne bataaya ki ve jaroorat padne par Canada, Australia aur Africa se chana aur masoor ka import kar sakte hain. Abhi desh mein daalon ka paryaapt stock maujood hai. Bhaarat apne ghareloo maang ko poora karne ke liye America, chili aur Ukraine se akharot ka import karta hai. Desh mein akharot ka utpaadan 2.18 lakh tan ka hai aur yeh mukhyataur par Jammu aur Kashmir mein hota hai. Draai froot ki badi importar aur prosesar VKC nats ke mainejing director, gunjan jain ne bataaya, 'Akharot par import duty May mein 30 parseint se badhaakar 100 parseint ki gayi thi aur ab ise aur badhaakar August se 120 parseint kiya ja raha hai. Isse demand par asar padega aur khudara keematon mein badhotri hogi. ' jain ne kaha ki akharot ka daam abhi 450-550 rupaye prati kilogram hai aur ismein 70-80 rupaye prati kilogram ki vruddhi ho sakti hai. Tredars ka kehna hai ki akharot ka chili aur Ukraine se import bhi badh sakta hai. Jain ne bataaya ki tredars ko yeh spasht naheen hai ki akharot par import duty Australia, Iran aur Afghanistan jaise anya deshon par laagoo hogi ya naheen. Seb par import duty August se 50 parseint se badhaakar 75 parseint ki ja rahi hai. Desh mein seb ka utpaadan 15 lakh tan hai aur iska saalaana 2.5 lakh tan import kiya jaata hai. Bhaarat ke seb ke import ka 50 parseint se adhik America se hota hai. America se seb February-March mein Bhaarat mein kataai samaapt hone par import hota hai. Uttaraakhand mein is maheene aur Himachal pradesh aur Jammu aur Kashmir mein July tak seb ki kataai hone ke kaaran adhik import duty se desh mein iski demand aur saplaai par asar padne ki sambhaavana naheen hai. Haalaanki, seb ke vyaapaari tarun aroda ne bataaya ki market seinteemeint aur Himachal pradesh mein fasal kam hone ke anumaan ke kaaran keematon mein 9 parseint tak badhotri ho sakti hai. Unhonne kaha, 'Pichhle season mein humne kisaanon ko 55-66 rupaye prati kilogram ki keemat di thi. Is varsh yeh 60-70 rupaye prati kilogram tak ho sakti hai. ' Dave bhoomi kold chen private limited ke director, dhruv Agrawal ne kaha ki chili, New Zealand, Australia, France, Poland aur Belgium se import badh sakta hai.

Ameriki Agro Praudakts Par Duty Badhne Se Mahange Honge Seb Aur Akharot http://www.angrejinews.com/pic/211121