America Mein Niji Kshetr Ki Naukri Mein Vruddhi Ka Rujhaan

Business »

America Mein Niji Kshetr Ki Naukri Mein Vruddhi Ka Rujhaan

Washington: America mein niji kshetr mein January mein February ke mukaabale nai naukariyon ki sankhya badhi. Automatic data processing (ADP) aur Moody'S analytics dvaara sanyukt roop se Budhvaar ko jaari pramukh audyogik report 'National employment report' ke mutaabik America mein niji companyon ki naukariyon ki sankhya mausami samaayojit aadhaar par January mein 1,92,000 badhi, jabki February mein ismein 1,85,000 ki vruddhi hui thi. Report ke havaale se samaachaar agency sinhuaa ne kaha ki rojagaar vruddhi mein mukhya yogadaan chhote aur majhole udyamon ka raha, jinki naukariyon ki sankhya aalochya maheene mein 1,94,000 badhi, jabki isi avadhi mein badi companyon mein 2,000 naukriyaan ghati. Kshetravaar tareeke se yadi dekha jaae to seva kshetr mein 1,77,000 nai naukri paida hui. Vastuon ka utpaadan karne vaale kshetron mein 15,000 nai naukriyaan paida huin, jismein sarvaadhik vruddhi nirmaan kshetr mein hui. Moody'S analytics ke mukhya arthashaastri mark jaandi ne kaha, "Naukariyon ka baajaar dheeme-dheeme sahi, lekin lagaataar behtar ho raha hai. Nirmaan mein teji aa rahi hai aur yah vinirmaan mein giraavat ki tulana mein adhik prabhaavi hai. "

America Mein Niji Kshetr Ki Naukri Mein Vruddhi Ka Rujhaan http://www.angrejinews.com/pic/710