Ambani Ke Khilaaf FIR Ke Khilaaf Reliance Haai Court Pahunchi

Business »

Ambani Ke Khilaaf FIR Ke Khilaaf Reliance Haai Court Pahunchi

Nai Delhi praakrutik gas ke ghareloo utpaadan ki keematon ke sambandh mein Reliance industries limited ke pramukh mukesh Ambani ke khilaaf maamala darj karne ki kaarravaai ko Reliance ne Delhi High Court mein chunauti di hai. Delhi ki tatkaaleen Kejriwal sarkaar ke nirdesh par par Delhi bhrashtaachaar nirodhak shaakha ki or se yeh FIR darj karaai gayi thi. Reliance ne yaachika daayar kar gas moolya vruddhi maamale ko lekar darj praathamiki ko radd karne ki maang ki hai. Justice Manmohan ki khandapeeth ne yaachika par sunavaai ke liye 20 May ki taareekh tay ki hai. Shukravaar ko is yaachika par sunavaai naheen ho pai, kyonki swayam Reliance ki or se yaachika ko kuchh samay ke liye taalane ka aagrah adaalat ke samaksh kiya gaya. Adaalat mein Reliance industries limited ne kaha hai ki Kejriwal sarkaar ne unke khilaaf yeh mukadama poori tarah se raajaneeti se prerit hokar darj karaaya hai, jisse ki vah iska raajaneetik faayda chunaav ke dauraan utha sakein. Unke khilaaf galat tathyon ke aadhaar par praathamiki darj ki gayi hai. Vidhaanasabha chunaav prachaar ke samay aam aadmi party ne jo jhoothe aarop lagaae the, unheen ke aadhaar par praathamiki darj karva di. Itna hi naheen samvidhaan ke anusaar praakrutik gas ke moolyon ka maamala raajya sarkaar ke antargat naheen aata hai, balki kendra sarkaar ke adheen hai. Aise mein raajya sarkaar ki koi bhi agency aise maamalon ki jaach naheen kar sakti hai. Delhi ke mukhyamantri rahate hue Kejriwal ne ainti-corruption athauriteej ko yeh FIR darj karna ka nirdesh diya tha. Yeh FIR poorv cabinet sachiv TSR subramaniyn sahit kai jaaneemaani shakhsiyton ki shikaayat ke aadhaar par karaai gayi thi. Shikaayat mein kaha gaya tha ki petrolium mantri veerappa moili, poorv mantri murali devada aur anya ne mukesh Ambani ke saath milkar unke hit mein praakrutik gas ke daam badhaae. Moili aur Ambani ne in aaropon ko poori tarah se khaarij kiya hai.

Ambani Ke Khilaaf FIR Ke Khilaaf Reliance Haai Court Pahunchi http://www.angrejinews.com/pic/49424