Allahabad Mein Bhaari Bheed Ke Kaaran Hui Bhagadad Railmantri

Breaking »

Allahabad Mein Bhaari Bheed Ke Kaaran Hui Bhagadad  Railmantri

Allahabad: Railmantri pavan Kumar bansal ne somvaar ko kaha ki Allahabad railway station par bhagadad bhaari bheed ke kaaran hui, na ki fut-over brij ya iski reling girne ke kaaran. Unhonne yah bhi kaha ki haalaat ka jaayaja lene ke liye vah Allahabad jaaenge, kyonki Mahakumbh mele ke teen pramukh snaan ab bhi shesh hain. Bansal ne kaha, "Main ek baar fir kah raha hoon ki na to fut-over brij toota hai aur na reling hi tooti hai. Railway station par sabhi intajaam kiye gaye the. " Railmantri ne kaha ki Allahabad railway station par bhagadad bhaari bheed ke kaaran machi. Prashaasan platform se yaatriyon ki bheed hata raha hai. Unhonne kaha, "Railway station par bhaari bheed thi. Yaatriyon ne bairikeds tod diye. Fut-over brij par hajaaron log the. Aisi sthiti mein kuchh bhi ghat sakta hai. " Unhonne railway station par kharaab intajaam se bhi inkaar kiya. Bansal ne kaha, "Intajaam behtar the. Logon ko unke gantavya tak jaane ki jaankaari dene ke liye rangeen sanketak banaae gaye the. Sabhi intajaam kiye gaye the. " Railmantri ne yah bhi kaha ki sthiti ka jaayaja lene ke liye vah Allahabad jaaenge. Unhonne kaha, "Main railway board ke adhyaksh ke saath sthiti ka jaayaja lene aur aane vaale dinon ki taiyaariyon ke silsile mein Allahabad ja raha hoon, kyonki abhi teen pramukh snaan shesh hain. " Unhonne kaha ki railway prashaasan ka poora dhyaan Allahabad railway station se yaatriyon ki bheed kam karne par hai. Unhonne kaha, "Mainne uttar pradesh ke mukhyamantri Akhilesh Yadav aur raajyapaal beeel Joshi se baat ki hai. Ab bhi Allahabad railway station par bhaari bheed hai. " Bansal ne kaha, "Allahabad se ravivaar se hi kai vishesh railgaadiyaan chal rahi hain. Logon ko unke gantavya tak pahunchaane ke liye Budhvaar tak 220 vishesh railgaadiyaan chaleingi. Ham aur adhik railgaadiyon ka prabandh karne ki koshish kar rahe hain. " Unhonne kaha ki mrutakon evam ghaayalon ki soochi uttar madhya railway ki website par upalabdh hai. Unhonne kaha, "Pradhaanamantri ki or se peediton ke liye jis muaavaja raashi ki ghoshana ki gayi hai, ham uske atirikt ek lakh rupaye mrutakon ke parijanon ko, 50,000 rupaye gambheer roop se ghaayalon ko aur 25,000 rupaye maamooli roop se ghaayal hue logon ko deinge. " Bansal ne kaha, "Iske atirikt ham Allahabad aane-jaane ki ichha rakhane vaale peediton ke parijanon ko vaataanukoolit dviteeya shreni ke paas day rahe hain. "

Allahabad Mein Bhaari Bheed Ke Kaaran Hui Bhagadad Railmantri http://www.angrejinews.com/pic/1673