Allahabad Bhagadad Maamale Mein Upr Sarkaar Ne Diya Jaanch Ka Aadesh

Breaking »

Allahabad  Bhagadad Maamale Mein Upr Sarkaar Ne Diya Jaanch Ka Aadesh

Lucknow: Uttar pradesh sarkaar ne Allahabad railway station par machi bhagadad ke maamale mein jaanch ka aadesh diya hai aur railway se Mahakumbh ke mauke par deshbhar se aane vaale teerthayaatriyon ki aavaajaahi sugam karne ke liye uchit bandobast karne ko kaha hai. Allahabad mein Mahakumbh ke mauke par sangam mein dubaki lagaane hajaaron ki sankhya mein aae yaatri apne-apne gantavyon par jaane ke liye badi sankhya mein Allahabad railway station par pahunch rahe the aur shaam ko bhagadad ki sthiti machne se kam se kam 20 logon ki maut ho gayi aur anya kai ghaayal ho gaye. Sapa pravakta aur pradesh sarkaar ke mantri raajeindr chaudhari ne kaha, 'Raajya sarkaar ne ghatna ke maamale mein jaanch ka aadesh diya hai. Kumbh mein snaan bina kisi samasya ke sampann ho gaya. Durbhaagyapoorn ghatna railway station par hui. Mukhyamantri Akhilesh Yadav ne jaanch ka aadesh day diya hai. ' Sthaaneeya prashaasan ka bachaav karte hue chaudhari ne kaha ki usaki or se koi dheel naheen barati gayi aur yah railway ki naakaami hai jise bheed ko sambhaalne ke liye adhik trainein chalaani chaahiye thi. Unhonne kaha ki mukhyamantri ne kendra sarkaar se aur adhik trainein chalaane ke liye kaha hai.

Allahabad Bhagadad Maamale Mein Upr Sarkaar Ne Diya Jaanch Ka Aadesh http://www.angrejinews.com/pic/1614