Alfaanso Par Pratibandh Saansad Vaaj Ne Pradhaanamantri Cameron Ko Bheint Kiye Bhaarateeya Aam

Breaking »

Alfaanso Par Pratibandh  Saansad Vaaj Ne Pradhaanamantri Cameron Ko Bheint Kiye Bhaarateeya Aam

London: lebar party ke bhaarateeya mool ke Britain ke saansad keeth vaaj ne Europeeya sangh dvaara Bhaarat se aam ke aayaat par paabandi lagaae jaane ka virodh kuchh anoothe andaaj mein kiya. Vah yahaan aam ke kuchh khudara vikretaaon aur aayaatakon ke saath pradhaanamantri David Cameron ke aavaas 10, daauning street gaye aur unhein do peti alfaanso aam bheint kiye. vaaj ne bayaan mein kaha, 'Pradhaanamantri ne baar-baar yeh dikhaaya hai ki vah Bhaarat ke saath hamaare desh ke behtar sambandhon ke sabse bade himaayati hain. Main samajhta hoon ki Bhaarat sarkaar ne Europeeya sangh dvaara nirdhaarit niyamon ka anupaalan kiya hai, iseeliye is par pratibandh lagaane ka koi kaaran naheen hai. Isse Britain ko karodon pound ke raajasv ka nuksaan hoga aur Bhaarat mein laakhon aam barbaad honge. ' vaaj apne kshetr leesestar ki taraf se pratibandh ka virodh kar rahe hain. Isi kshetr mein saalaana aam mahotsav hota hai. Unhonne Europeeya aayog ke adhyaksh ko patra likha hai aur unki Cameron ke samaksh apni baatein rakhane ki yojana hai. Unhonne kaha, 'Iska Maharashtra aur Goa ke aam kisaanon par prabhaav padega. ' vaaj ka taalluk Goa se hi hai. isse pehle vaaj ne Europeeya aayog ke adhyaksh aur pradhaanamantri Manmohan Singh ko patra likhkar aam aayaat par pratibandh ko Europeeya sangh ka betuka faisala bataaya aur kaha ki naukarashaah anaap-shanaap faisale le rahe hain.

Alfaanso Par Pratibandh Saansad Vaaj Ne Pradhaanamantri Cameron Ko Bheint Kiye Bhaarateeya Aam http://www.angrejinews.com/pic/49036