Air India Ki Kharch Katauti Par Samiti Degi Sujhaav

Business »

Air India Ki Kharch Katauti Par Samiti Degi Sujhaav

Nai Delhi: Saarvajanik kshetr ki vimaanan company air India ke kharch mein katauti par sujhaav dene ke liye sarkaar ne guruvaar ko ek samiti ka gathan kiya. Pichhle saal March se October tak company ko har maah 404 karod rupaye ka ghaata hua hai. Paanch sadasyeeya samiti ki adhyakshata bhaarateeya prabandhan sansthaan (IIM)-Ahmedabad ke arthashaastr tatha saarvajanik pranaali vishay ke professor Ravindra H dholakiya kareinge. Naagrik uddayan mantraalaya ne ek aadhikaarik bayaan mein kaha gaya ki samiti se do maheene ke bheetar sifaarish pesh kiye jaane ki ummeed hai. Mantraalaya ne ek bayaan mein kaha, "Samiti do maheene mein sifaarish pesh karegi, lekin samiti se bina poorn report ke taiyaar hone ka intajaar kiye ek taatkaalik sifaarish report pesh karne ke liye kaha gaya, jise tatkaal vimaanan company apna sakti hai. " 20 December 2012 ko company ke khaate ki jaanch se pata chala ki company har maheene 1,348 karod rupaye kama rahi hai, jabki 1,752 rupaye kharch kar rahi hai, jiske kaaran use har maah ghaata ho raha hai.

Air India Ki Kharch Katauti Par Samiti Degi Sujhaav http://www.angrejinews.com/pic/73