Air India Duniya Ki Teesari Sabse Asurakshit Vimaanan Company

Business »

Air India Duniya Ki Teesari Sabse Asurakshit Vimaanan Company

Washington: Sarkaari vimaanan company, air India ko ek report mein duniya ki teesari sabse asurakshit vimaanan company bataaya gaya hai. Duniyaabhar mein vimaan durghatanaaon par najar rakhane waali ek website ki ek report mein pehli aur doosari asurakshit companiyon mein China airlines aur TAM airlines ko rakha gaya hai. Hamburg sthit jet airliner crash data evolution center (JACDEC) dvaara taiyaar 60 vimaanan companyon ki ek soochi mein air India ko 58vein sthaan par rakha gaya hai. JACDEC suraksha ranking 2012 mein duniya ki sabse surakshit vimaanan company rahi Finnair. Iske baad rahe kramash: Air New Zealand, Cathay pacific aur Emirates. Soochi mein sheersh par rahi nau companyon mein se kisi bhi company ka ek bhi vimaan pichhle 30 saalon mein durghatanaagrast naheen hua. Uttar America ki ek bhi company sheersh 10 mein naheen rahi, lekin ve nikrusht 10 mein bhi naheen raheen.

Air India Duniya Ki Teesari Sabse Asurakshit Vimaanan Company http://www.angrejinews.com/pic/414