'Ainti Muslim Tweet Ke Baad Hotel Se Bhaarateeya Mool Ke Shef Ki Chhutti

Breaking »

'Ainti Muslim Tweet Ke Baad Hotel Se Bhaarateeya Mool Ke Shef Ki Chhutti

Dubai Sanyukt arab ameeraat (yooei) mein bhaarateeya mool ke lokapriya shef atul kochar ke islaam virodhi tweet ki vajah se jedabloo mairiyt maaraki hotel ne unke saath apna karaar khatm kar liya hai. Kochar dubai mein apna rang mahal bhaarateeya restraunt chalaate hain. Khaleej times ki report ke mutaabik, jedabloo mairiyt maaraki ne ek bayaan jaari kar kaha, 'Shef atul kochar ke haal ke bayaan ko dekhte hue humne unke saath rang mahal ke liye apna samjhauta khatm karne ka faisala liya hai. Karaar khatm hone ke saath hi, shef atul ab is restraunt se jude naheen raheinge. ' Hotel ne bayaan mein aage kaha, 'Dubai ke jedabloo mairiyt maaraki hotel mein ham sanskruti ki vividhta par garv karte hain. Ham paramparaagat anubhav aur uchch seva maanakon ko banaae rakhane ke liye bhi pratibaddh hain, jiske liye rang mahal prasiddh hai. ' Padhein: Dubai besd bhaarateeya shef ne kiya 'Ainti muslim' tweet, maangi maafi Atul kochar ne ameriki TV series 'Kvauntiko' ke ek aipisod ke liye aiktres Priyanka Chopra ki aalochna ki thi. Aipisod mein bhaarateeya raashtravaadiyon ko aatankiyon ke roop mein dikhaaya gaya tha. Unhonne tweet kiya tha, 'Yeh dekhkar dukh ho raha hai ki aapne (Priyanka) hinduon ki bhaavanaaon ka sammaan naheen kiya jo 2000 saal se jyaada samay se islaam ke aatank ka shikaar hote rahe hain. ' kochar ki islaam virodhi tippani se social media par vivaad shuroo ho gaya aur twitter istemaal karne vaale logon ne shef ko hataane ki maang ki thi. Haalaanki, maamale par vivaad badhta dekh kochar ne twitter par hi maafi maang li. Kochar ne tweet kiya, 'Mere dvaara kiye gaye tweet ke liye main koi safaai naheen doonga. Main maanata hoon ki islaam ka janm kareeb 1400 saal pehle hua aur isliye main maafi maangata hoon. Mujhe islaamofobiya naheen hai, mujhe apne kaumeint par pachhataava hai. '

'Ainti Muslim Tweet Ke Baad Hotel Se Bhaarateeya Mool Ke Shef Ki Chhutti http://www.angrejinews.com/pic/209444