Agusta Case BJP Ka Hamla, Kaha- Michelle Ko Bachaane Ke Liye Congress Ne Utaare Vakeel

Breaking »

Agusta Case BJP Ka Hamla, Kaha- Michelle Ko Bachaane Ke Liye Congress Ne Utaare Vakeel

Nai Delhi Agusta vestalaind VVIP helikauptar deal ke kathit bichauliye krishchiyn Michelle ko lekar BJP ne Congress par hamla bola hai. BJP ne Sonia aur Rahul Gandhi par hamla bolte hue kaha hai ki Michelle ke Bhaarat aane ke baad se Gandhi parivaar ko neend naheen aa rahi hai. BJP ne aarop lagaaya hai ki Congress ne Michelle ke bachaav ke liye apne vakeelon ko utaar diya hai. Bata dein ki Michelle ki taraf se court mein alajo Joseph ke pesh hone ko BJP ne mudda banaaya hai. Alajo Joseph yooth Congress ke padaadhikaari the, jinhein vivaad ke baad sangathan se nikaal diya gaya hai. Guruvaar ko BJP pravakta sanbit paatra ne Michelle ke kaaunsalars ke maamale ko ek baar fir uthaaya. Paatra ne press conference kar kaha ki Congress ka haath Michelle ke bachaavakartaaon ke saath hai. Paatra ne kaha, 'Michelle ko bachaane ke liye Congress ne apni team bheji thi. Ye Congress ka chaal charitra ka chehara hai. Congress mein ek parivaar hai jise neend naheen aa rahi hai Michelle ke pratyarpan ke baad. ' Sanbit paatra ne kaha ki Joseph ko Congress ne baahar nikaalne ka keval dikhaava kiya hai. BJP pravakta ne Joseph ke saath pesh hue anya do vakeelon ki bhi baat ki. Paatra ne kaha ki Kerala pradesh Congress committee ke egjikyootiv chittaamadu ke bete vishnu shankar doosare vakeel ke roop mein pesh hue. Paatra ne daava kiya ki Michelle ke teesare vakeel ke roop mein pesh hue shreeraam prakat bhi college ke dinon mein NSUI ke sadasya rahe hain. Paatra ne aarop lagaaya ki 10 Janpath aur Sonia, Rahul ke ishaare par Michelle ko bachaaya ja raha hai. Unhonne kaha ki Congress ke vakeelon ne Michelle ki remand ka virodh kiya tha. Congress ne PM Modi ko bataaya tha agusta vestalaind ka promoter Michelle ko Bhaarat laae jaane ke baad se hi BJP aur Congress mein aarop-pratyaarop ka daur shuroo ho gaya hai. Congress ne PM Modi par agusta vestalaind aur iski mool company finmekenika ka 'Sanrakshak, laabhuk aur promoter' hone ka aarop lagaaya hai. Congress ne Budhvaar ko Italy ki raksha aur eyarospes company ko 'Aaropamukt karne' ki Modi ki bhoomika ki jaanch CBI se karaane ki maang bhi ki hai. Congress ne Modi aur bhaarateeya janta party par Michelle ka istemaal vipakshi netaaon ko badnaam karne ke liye karne ka aarop lagaaya hai. Michelle ki vakeel rosameri paitriji dos anjos ke 17 July ke bayaan ka havaala dete hue Congress pravakta Randeep Singh surajevaala ne kaha tha ki Modi sarkaar aur usaki agencyan Michelle ko agusta vestalaind maamale mein poori tarah aaropamukt karne ke badle UPA adhyaksh Sonia Gandhi ke naam ki sveekorokti vaale farji bayaan par hastaakshar karne ka dabaav bana rahi theen.

Agusta Case BJP Ka Hamla, Kaha- Michelle Ko Bachaane Ke Liye Congress Ne Utaare Vakeel http://www.angrejinews.com/pic/239565