'Agni-6 Misaail Par Kaam Kar Rahe Hain Vaigyaanik

Breaking »

'Agni-6 Misaail Par Kaam Kar Rahe Hain Vaigyaanik

Nai Delhi: Bhaarateeya vaigyaanik nai agni-6 misaail bana rahe hain, jo chhah hajaar kilometer tak maar kar sakti hai. Is misaail ki sabse khaas baat yah hai ki vah kai nyookliyr hathiyaaron ko saath le ja sakti hai aur ek saath kai thikaanon ko nishaana bana sakti hai. Pichhle saal deeaaradeeo ne agni-5 misaail ka safal pareekshan kiya tha, jiski range 5000 kilometer thi, lekin vah sirf ek hi thikaane ko nishaana bana sakti hai, lekin 'Agni-6' Multiple Independent Re−entry Vehicles se lais hai. Yah atyaadhunik technology hai, jo abhi gine−chune deshon ke paas hi hai haalaanki sarkaar ne abhi is project ko paas naheen kiya hai, lekin is par kaam shuroo ho chuka hai. Raksha anusandhaan evam vikaas sangathan (deeaaradeeo) ke pramukh VK saarasvat ne kaha, 'Agni-5' mahatvapoorn saamarik raksha astr hai. Ab ham 'Agni-6' banaana chaahate hain jisse hamaari taakat kai guna badh jaaegi. Unhonne is baare mein naheen bataaya ki viksit ki ja rahi yah misaail kitni doori tak maar kar sakti hai, lekin kaha ki kai guna raksha taakat badhaane ki iski kaabiliyt is baat mein hai ki yah svatantr roop se ek saath kai lakshyon ko nishaana bana sakti hai. (inputs bhaasha se bhi)

'Agni-6 Misaail Par Kaam Kar Rahe Hain Vaigyaanik http://www.angrejinews.com/pic/1415