Agava Naaijeeriyaai Chhaatraaon Ko Dhoondhane Ke Liye Antararaashtreeya Prayaason Mein Teji

Breaking »

Agava Naaijeeriyaai Chhaatraaon Ko Dhoondhane Ke Liye Antararaashtreeya Prayaason Mein Teji

Laagos: Nigeria mein islaami aatankiyon dvaara apahrut 200 se jyaada chhaatraaon ka pata lagaane ke liye kiye ja rahe antararaashtreeya prayaason mein Israel bhi shaamil ho gaya hai, lekin Washington ne kaha hai ki ameriki sainik kisi bhi bachaav abhiyaan se door hi raheinge. Nigeria ke raashtrapati gudalak jonaathan ne phone par Israel ke pradhaanamantri se baat ki aur lagbhag ek maah pehle boko haram ke ladaakon dvaara apahrut ladkiyon ka pata lagaane mein Israel ki or se ki gayi madad ki peshakash sveekaar kar li. khoj kaarya mein naaijeeriyaai sena ki madad karne ke liye Britain, America aur France pehle hi visheshagyon ke dal aur upakaran bhej chuke hain. Khoj ka yeh kaarya paanch saal se ghaatak hinsa ke shikaar sudoor poorvottar kshetr mein keindrit hai. jonaathan ke pravakta reuben abaati ne kaha ki raashtrapati ne netaanyaahoo ko bataaya ki, Israel ki vishvastareeya aatankvaad-rodhi visheshajnyaata ka sahayog lekar Nigeria ko khushi mahasoos hogi. Isi beech ajarabejaan ki yaatra par aae fraansisi raashtrapati fraansva olaand ne kaha ki 'Deshon ke maan jaane par' pashchimi Africa mein boko haram par keindrit ek suraksha sammelan isi shanivaar ko aayojit kiya ja sakta hai. ladkiyon ka pata lagaane mein dheemi pratikriya ke kaaran abuja ki sarkaar ko aalochanaaon ka saamana karna pada aur emanesti international ne shukravaar ko daava kiya ki sena ne is apaharan ki chetaavani pehle hi di thi. raashtreeya aur antararaashtreeya star par upaje rosh ke kaaran duniya bhar mein hue virodh pradarshanon ke baad abuja sarkaar ko sakriya hona pada. America, France aur Britain ki or se sainya guptacharon aur nigraani visheshagyon ki madad di ja rahi hai. Cheen ne bhi madad ka prastaav diya hai, haalaanki Washington ne yeh kaha hai ki usaki or se di jaane waali madad mein sainik naheen diye jaaenge. ameriki rakshaamantri hegal ne ABC television ko bataaya, is samay ameriki sainikon ko tainaat karne ka koi vichaar naheen hai. Hegal ne sveekaar kiya ki abhi bhi laapata 223 ladkiyon ka pata lagaana aasaan kaam naheen hoga. jonaathan ne kaha hai ki unhein lagta hai ki ladkiyaan abhi bhi Nigeria mein hain aur khoj kaarya poorvottar borno raajya ke sanbeesa vanya ilaake mein kiya ja raha hai. Yahi vah ilaaka hai, jahaan sena ko pehle boko haram ke shivir aur hathiyaar mile the. aisa bhaya logon mein vyaapt hai ki ladkiyon ko seema paar chaad aur Cameroon mein le jaaya ja chuka hoga.

Agava Naaijeeriyaai Chhaatraaon Ko Dhoondhane Ke Liye Antararaashtreeya Prayaason Mein Teji http://www.angrejinews.com/pic/50328