Agar Ham Dharmashaala Ki Tarah Khele To Series Jeet Jaaenge Parera

Cricket »

Agar Ham Dharmashaala Ki Tarah Khele To Series Jeet Jaaenge Parera

Mohali Shri lanka ne dharmashaala mein shaanadaar pradarshan kiya aur kaptaan tisaara parera ko apni team se doosare one-day mein bhi is tarah ke pradarshan ki ummeed hai jisse mehmaan team Bhaarat mein pehli series jeet paaegi. Parera ne teen one-day maichon ki series ke doosare match ki poorv sandhya par kaha, 'Yeh series jeetne ka achha mauka hai. Kai teemon ne Bhaarat mein series naheen jeeti hai. Ham kuchh vishesh karna chaahate hain, jaisa ki humne dharmashaala mein kiya. ' Pratikool mausam ke kaaran shri lanka ko dharmashaala mein atirikt raat gujaarani padi aur ve mangalvaar subah hi yahaan pahunche. Team dopahar baad PCA stadium pahunchi aur aasmaan mein chhaae baadalon ke beech sard mausam mein abhyaas kiya. Parera se jab yeh poochha gaya ki kya team par atirikt dabaav hai ta unhonne isse inkaar kiya. Unhonne kaha, 'Yeh dabaav naheen hai. Yeh hamaare liye ek anya match hai. Sabhi ko pata hai ki agar ham kal jeet darj kareinge to series jeet jaaenge. Ham apna 200 pratishat deinge. ' Dharmashaala mein 12 haar ke kram ko todne ke baad shri lanka ki team aatmavishvaas se bhari hai lekin unhein ummeed hai ki Bhaarat kadi vaapasi karega jaise usane new jeelaind ke khilaaf ki thi. Bhaarat ne new jeelaind ke khilaaf pehla one-day ganvaane ke baad agale do match jeetkar teen maichon ki series jeeti thi. Parera ne kaha, 'Haan ve aisa kar sakte hain lekin hamaara dhyaan apne kaam par hai. 12 baar ke baad jeet darj karna achha hai aur hamein pata hai ki agar ham is pradarshan ko dohara paae to kal ham jeet jaaenge. Shri lanka ke kaptaan parera ko is maidaan par khelne ka anubhav hai kyonki vah Indian Premier league mein kings eleven Punjab ka hissa rahe hain. ' Raat ko hui baarish ke kaaran adhikaansh samay dhakakar rakhe gaye wicket ke sandarbh mein parera ne kaha, 'Yeh achha ballebaaji wicket lag raha hai. Team ke baare mein parera ne kaha ki sirf dhananjaya disilva poori tarah fit naheen hain. Kaptaan ne kaha, '15 khilaadiyon mein se sirf vaheen fit naheen hain. Dharmashaala mein ajinkya rahaane ko Bhaarat ke antim ekaadash mein jagah naheen dene ke baare mein poochhane par parera ne kaha, 'Main bhaarateeya chayanakarta naheen hoon. Isliye main naheen kah sakta ki vah kyon naheen khela. Beshak vah achhe ballebaaj hain. Main isse jyaada kuchh naheen kah sakta. '

Agar Ham Dharmashaala Ki Tarah Khele To Series Jeet Jaaenge Parera http://www.angrejinews.com/pic/183706