Agar Aaj Chunaav Hue To BJP Ko Nuksaan Lekin Fir Se Modi Sarkaar Sarve

Breaking »

Agar Aaj Chunaav Hue To BJP Ko Nuksaan Lekin Fir Se Modi Sarkaar Sarve

Nai Delhi Agale aam chunaav mein abhi kam se kam 8-9 maheene ka vakt hai aur is beech ek sarve mein saamane aaya hai ki agar aaj chunaav hue to ek baar fir Modi sarkaar ke aasaar hain. Haalaanki is baar NDA ki seatein ghat sakti hain. India tude dvaara pichhle maheene July mein kiye gaye 'Mood of the nation' sarve ke mutaabik agar aaj chunaav hue to NDA ko 281 seatein mil sakti hain. 543 seaton waali Loksabha mein saamaanya bahumat ke liye 272 seaton ki jaroorat hai. Bata dein ki 2014 ke aam chunaav mein akele BJP ne 282 seaton par jeet haasil ki thi. Kaise hua sarve India tude ke mutaabik is sarve ko 18 July 2018 se 29 July 2018 ke beech desh ke 97 Loksabha aur 197 vidhaanasabha kshetron mein 12,100 logon ke beech kiya gaya. Kisko kitni seat ka anumaan Sarve ke mutaabik agar aaj chunaav hue to NDA ko jahaan 281 seatein mil sakti hain vaheen Congress ki aguaai waali UPA ko 122 seatein milne ka anumaan hai. 140 seatein anya ke khaate mein ja sakti hai. Baat agar vote share ki karein to sarve ke mutaabik NDA ko 36 pratishat to UPA ko 31 pratishat vote mil sakte hain. Sarve mein BJP ko nuksaan ka anumaan Sarve ke mutaabik bhale hi NDA ki sarkaar ki fir se vaapasi ka anumaan lagaaya gaya hai lekin BJP ko nuksaan jhelana pad sakta hai. Sarve ke mutaabik agar aaj chunaav hue to BJP ko 245 seatein mil sakti hain, jo pichhli baar ki 282 se 37 kam hai. Baat agar Congress ki karein to 83 seatein mil sakti hain jo 2014 ke mukaabale kareeb doguni hain. 2014 mein Congress ko mahaj 44 seaton se santosh karna pada tha. PM ke taur par Modi pehli pasand Sarve ke mutaabik Narendra Modi pradhaanamantri ke taur par janta ki pehli pasand hain aur race mein shaamil baaki netaaon se lokapriyta ke maamale mein kaafi aage hain. Sarve mein bhaag lene vaalon mein se 49 pratishat pradhaanamantri ke taur par Narendra Modi ko dekhna chaahate hain. Doosare paayadaan par maujood Congress adhyaksh Rahul Gandhi pradhaanamantri pad ke liye 27 pratishat logon ki pasand hain. Sarve mein bhaag lene vaale 3 pratishat log Priyanka Gandhi ko pradhaanamantri ke taur par dekhna chaahate hain.

Agar Aaj Chunaav Hue To BJP Ko Nuksaan Lekin Fir Se Modi Sarkaar Sarve http://www.angrejinews.com/pic/219271