Afzal Ki Faansi Parivaar Ko Jaankaari Mein Deri Par PM Ne Gruhamantri Se Poochha Savaal

Breaking »

Afzal Ki Faansi  Parivaar Ko Jaankaari Mein Deri Par PM Ne Gruhamantri Se Poochha Savaal

Nai Delhi: Pradhaanamantri Manmohan Singh ne gruhamantri susheel Kumar shinde se savaal kiya hai ki sansad par hamle ke doshi Afzal guru ko faansi par chadhaae jaane ke baare mein uske parivaar ko pehle hi soochana kyon naheen di ja saki. Afzal guru ko shanivaar subah ek gopaneeya abhiyaan ke tahat Delhi ki tihaad jail mein faansi di gayi aur vaheen use dafnaaya bhi gaya. Do din baad somvaar ko Afzal ke parivaar vaalon ko sarkaar ki chitthi mili, jismein kaha gaya ki guru ki daya yaachika raashtrapati ne khaarij kar di aur use faansi di jaani hai. Gruhamantri ne kaha tha ki Kashmir ghaati ke sopor mein Afzal guru ke parivaar ko 7 February ki madhyaraatri ko speed post ke jariye soochana bheji gayi. Kai logon ne kaha ki yadi yah chitthi samay par pahunch bhi jaati, tab bhi parivaar ko antim samay mein Afzal se milne ka paryaapt samay naheen mil paata. Sootron ke mutaabik pradhaanamantri ne mangalvaar ko shinde se baat ki aur poochha ki nirdhaarit prakriya ka paalan kyon naheen kiya gaya. Sootron ke anusaar pradhaanamantri ne yah bhi poochha ki gruhamantraalaya ne Afzal ke parivaar se sampark karne ke liye chitthi par kyon bharosa kiya. Afzal guru ke parivaar, maanavaadhikaar kaaryakartaaon aur kai anya ne sarkaar ki is baat ke liye aalochna ki hai ki parivaar ko jaankaari dene mein laaparavaahi hui aur unhein aakhiri baar milne ka mauka naheen diya gaya.

Afzal Ki Faansi Parivaar Ko Jaankaari Mein Deri Par PM Ne Gruhamantri Se Poochha Savaal http://www.angrejinews.com/pic/1843