Afzal Ki Faansi Ke Peechhe Koi Raajaneetik Vajah Naheen Sarkaar

Breaking »

Afzal Ki Faansi Ke Peechhe Koi Raajaneetik Vajah Naheen  Sarkaar

Chennai: Sarkaar ne sansad par hamle ke doshi Afzal guru ko faansi par chadhaane ke peechhe raajaneetik ya chunaavi kaaran hone ki baat ko sire se khaarij karte hue kaha ki yah nirnaya nyaaya aur raashtreeya suraksha ko dhyaan mein rakhate hue uthaaya gaya. Soochana evam prasaaran mantri maneesh tivaari ne samvaadadaataaon se kaha, media ke ek varg mein aisa aabhaas diya ja raha hai ki yah nirnaya chunaavi kaaranon se prabhaavit hai. Isse adhik galat aur kuchh naheen ho sakta hai. Aantarik suraksha ke baare mein sarkaar ke nirnaya raajaneetik kaaranon se prabhavit naheen hote hain. Sansad par hamle ko kaayaraana krutya karaar dete hue unhonne kaha ki nirdhaarit nyaayik prakriya ka paalan kiya gaya, jahaan jaanch prakriya ki parinti abhiyog prakriya ke roop mein hui aur nichle star se uchchatam nyaayaalaya tak teen staron par nyaayik jaanch parakh ke baad doshi karaar diya gaya. Soochana evam prasaaran mantri ne kaha, is maamale mein kuchh aaropiyon ko bari kiya gaya, jabki kuchh doshi paae gaye. Antat: Yah nyaayapoorn tha. Yah nyaaya aur raashtreeya suraksha ko dhyaan mein rakhane vaala hai.

Afzal Ki Faansi Ke Peechhe Koi Raajaneetik Vajah Naheen Sarkaar http://www.angrejinews.com/pic/1500