Afzal Ki Faansi Ke Abhiyaan Ka Koot Naam Tha 'Operation Three Star

Breaking »

Afzal Ki Faansi Ke Abhiyaan Ka Koot Naam Tha 'Operation Three Star

Nai Delhi: Sansad par hamla maamale mein doshi karaar diye gaye jaish-A-mohammad aatanki Afzal guru ko shanivaar ko uchch suraksha vaale tihaad jail mein faansi dene se jude ati gopaneeya abhiyaan ka koot naam 'Operation three star' rakha gaya tha. Yeh abhiyaan 4 February ko shuroo kiya gaya tha jab raashtrapati Pranab mukharji ne guru ki daya yaachika ko khaarij karte hue use faansi diye jaane ka maarg prashast kar diya tha. Sarkaari sootron ne kaha ki gruhamantraalaya aur tihaad jail ke kuchh gine chune adhikaariyon ko is abhiyaan ke baare mein jaankaari thi aur is maamale ki sanvedanasheelata ko dhyaan mein rakhate hue ise ati gopaneeya rakha gaya tha. Is abhiyaan mein shaamil sabhi logon ne gopaneeyata barkaraar rakhi. Uttari Kashmir ke sopor ke nivaasi guru ko shanivaar ki subah aath baje faansi di gayi aur tihaad jail parisar mein dafnaaya gaya. Abhiyaan ke tahat 6 February ke magistrate se sampark kiya gaya taaki guru ko faansi diye jaane ke liye black warrant praapt kiya ja sake. Tihaad jail ko 6 February ki raat saadhe gyaarah baje black warrant ki prati praapt hui aur adhikaariyon ko 7 February ki madhya raatri ko 12 bajkar 10 minute par guru ko bheje jaane ke liye patra praapt hua. Patra parivaar ko 7 February ki subah ko bheja gaya jismein faansi ka samay aur taareekh darj thi. Is baare mein jaankaari dene ke liye 6 February ki tithi ka patra 7 February ki subah hi bhej diya gaya tha lekin yeh parivaar ko somvaar ki subah mila. Ajmal kasaab ko faansi diye jaane ke abhiyaan ka koot naam operation 'Ex' tha aur use 21 November 2012 ko Pune ke yaravada jail mein faansi di gayi thi.

Afzal Ki Faansi Ke Abhiyaan Ka Koot Naam Tha 'Operation Three Star http://www.angrejinews.com/pic/1706