Afzal Ki Daya Yaachika Thukaraae Jaane Ke Baad Sarkaar Ne Teji Se Kaam Kiya

Breaking »

Afzal Ki Daya Yaachika Thukaraae Jaane Ke Baad Sarkaar Ne Teji Se Kaam Kiya

Nai Delhi: Raashtrapati Pranab mukharji dvaara daya yaachika khaarij kiye jaane ke mahaj paanch din baad hi sansad par hamle ke doshi Afzal guru ko tihaad jail mein faansi day di gayi. Gruhamantri susheel Kumar shinde ne kaha, raashtrapati ne 3 February ko Afzal guru ki daya yaachika khaarij kar di thi aur iske baad mainne 4 February ko manjoori di aur ek nyaayik adhikaari dvaara taareekh aur samay ki pushti ki gayi. Use (Afzal ko) aaj subah 8 baje faansi di gayi. Shinde ne kaha ki Afzal guru ki daya yaachika ko naamanjoor karne ki sifaarish pehle 2011 mein gruh mantraalaya ne ki thi. Pichhle saal Pranab mukharji ke raashtrapati banane par unhonne sabhi lambit daya yaachikaaen punarvichaar ke liye mujhe bhejeen, jab mainne August, 2012 mein gruh mantraalaya ka prabhaar sambhaala. Unhonne kaha ki nae raashtrapati ne sabhi daya yaachikaaen punarvichaar ke liye bheji theen. Mainne file ka satarkata se adhyayan kiya aur 21 January ko raashtrapati se sifaarish ki ki guru ki yaachika naamanjoor kar di jaae. Vimla Mehra (mahaanideshak jail) ne bataaya ki Afzal ki sehat theek thi aur use magistrate, Doctor tatha jail ke anya adhikaariyon ke samaksh faansi di gayi. Vah subah jaldi uth gaya tha aur use aam dinon ki tarah bhojan diya gaya. Tihaad jail ke ek varishth adhikaari ne bataaya ki Afzal ko subah saadhe saat baje faansi ke takhte par le jaaya gaya aur us samay vah behad shaant aur sthir chitt lag raha tha. Unhonne bataaya ki Afzal ko faansi ke turant baad jail number 3 ke sameep dafna diya gaya. Keindreeya gruhasachiv RK Singh ne bataaya ki uttari Kashmir ke sopor mein rah rahe Afzal ke parijanon ko sarkaar ke is faisale ke baare mein bata diya gaya tha ki usaki daya yaachika khaarij kar di gayi hai.

Afzal Ki Daya Yaachika Thukaraae Jaane Ke Baad Sarkaar Ne Teji Se Kaam Kiya http://www.angrejinews.com/pic/1505