Afzal Ke Parivaar Ko Kabr Par Faatiha Padhne Ki Ijaajat

India »

Afzal Ke Parivaar Ko Kabr Par Faatiha Padhne Ki Ijaajat

Shreenagar: Kendra ne Afzal guru ke parivaar ko tihaad jail mein Afzal ki kabr par faateha padhne ki ijaajat de di hai. Iske saath hi Afzal ka saamaan parivaar ko dene ki baat bhi kahi gayi hai. Isse poorv Afzal guru ke parivaar ne aaj kaha tha ki unki maang keval itni hai ki kendra sarkaar Afzal ke shav ko unhein lauta de taaki ve reeti rivaaj ke saath use supurde khaak kar sakein. Afzal ke rishte ke bhaai mohammad yaaseen ne sopor se phone par kaha, hamaari aur koi maang naheen hai. Ham keval itna chaahate hain ki Afzal ke shav ko hamein lauta diya jaae. Yaaseen ne kaha ki parivaar ne tihaad jail ke adhikaariyon aur baaraamoola ke upaayukt ko patra likhkar shav lautaane ki maang ki hai. Usane kaha, jaise hi hamein faansi diye jaane ka pata chala, humne baaraamoola ke upaayukt aur tihaad jail ke adhikaariyon ko shav lautaane ke liye patra likha. Yaaseen ke mutaabik, unhein is maamale mein sambandhit adhikaariyon ke javaab ka intajaar hai. Keindreeya gruh mantri susheel Kumar shinde ne bayaan diya tha ki sarkaar Afzal ke parivaar ko usaki kabr par faatiha padhne ki ijaajat dene par vichaar kar sakti hai. Is baare mein poochhe jaane par yaaseen ne kaha ki iska koi matlab naheen hai. Usane kaha, ham faatiha kahaan padheinge? Ham use yahaan supurde khaak karna chaahate hain. Afzal ki kabr par jaane ke liye uske parivaar ko Delhi tak havaai seva upalabdh karaane ki peshakash sambandhi khabaron par yaaseen ne kaha ki agar aise haalaat aate hain to parivaar khud chala jaaega. Usane kaha, agar aisi sthiti aati hai to ham khud Delhi chale jaaenge. Hamein sarkaar ki udaarata ki jaroorat naheen hai. Ham keval chaahate hain ki Afzal ka shav hamein lautaaya jaae. Usane tihaad ke adhikaariyon ki or se Afzal ki faansi sambandhi jaankaari wala patra kal milne ko bhi 'Kroor majaak' karaar diya. Yaaseen ne kaha, khat somvaar ko milna parivaar ke jakhmon par namak chhidkane jaisa hai, jo kabhi naheen bhareinge. Usane aarop lagaaya ki desh ke neta Afzal ki maut par raajaneeti kar rahe hain. Usane kaha, Afzal ko faansi di gayi. Sahi ya galat, ham ismein naheen padna chaahate, lekin netaaon ko is par raajaneeti band kar deni chaahiye.

Afzal Ke Parivaar Ko Kabr Par Faatiha Padhne Ki Ijaajat http://www.angrejinews.com/pic/1747