Afzal Guru Ke Parivaar Ko Aaj Mila Faansi Ki Soochana Ka Khat

Breaking »

Afzal Guru Ke Parivaar Ko Aaj Mila Faansi Ki Soochana Ka Khat

Shreenagar: Varsh 2001 mein sansad bhavan par hue aatankvaadi hamle ke maastaramaaind Afzal guru ko faansi diye jaane ki soochana sarkaar ne shukravaar, 8 February ko uske Kashmir ke sopor mein base parivaar ko speedapost ke jariye bheji thi, lekin vah khat uske parijanon ko somvaar ko mila. Jammu evam Kashmir ke cheef postamaastar general ne NDTV se baatcheet ke dauraan bataaya ki sansad par hamle ke doshi Afzal guru ko faansi dene se pehle uske parivaar ko soochana dene ke liye bheja gaya speedapost aaj (somvaar, 11 February) uske ghar pahunch gaya hai. Cheef postamaastar general John saimual ke mutaabik kendra sarkaar dvaara faansi se pehle 8 February ko speedapost ke jariye bheja gaya khat shanivaar, 9 February ko shreenagar pahunch gaya tha, lekin us din shanivaar hone ke chalte yah khat sopor mein base uske parivaar ko aaj mila. Daraasal, kendra sarkaar ne shanivaar ko Afzal guru ko faansi diye jaane ke baad daava kiya tha, ki raashtrapati dvaara Afzal guru ki daya yaachika khaarij kar diye jaane ki jaankaari Afzal guru ke parivaar ko speedapost ke jariye bheji gayi thi, lekin parivaar is daave ko galat bata raha tha.

Afzal Guru Ke Parivaar Ko Aaj Mila Faansi Ki Soochana Ka Khat http://www.angrejinews.com/pic/1643