Afzal Guru Ka Antim Khat 26 Ghanton Mein Usaki Beevi Ko Mila

India »

Afzal Guru Ka Antim Khat 26 Ghanton Mein Usaki Beevi Ko Mila

Nai Delhi: Kadi suraksha waali tihaad jail mein shanivaar ki subah faansi diye jaane se kuchh ghante pehle Afzal guru ne apni patni tabassum ko patra likha tha. Yeh khat mangalvaar ko tabassum ko de diya gaya. Yeh khat Delhi se somvaar ko hi chala tha. Kul milaakar 26 ghanton mein yeh khat apne gantavya par pahunch gaya hai. Ek baar fir Afzal ko faansi diye jaane ki soochana ke khat ke deri se pahunchane par prashn uthane lage hain. Isse pehle jail ke ek sheersh adhikaari ne kaha, ''Usane faansi diye jaane se pehle apni patni ko ek patra likha tha. '' unhonne kaha ki yeh patra shanivaar ko post kar diya gaya aur yeh urdoo mein likha gaya tha aur iski vishay vastu ke baare mein jail adhikaariyon ko kuchh bhi pata naheen hai. Ullekhaneeya hai ki guru uttari Kashmir ke sopor ka rahane wala tha aur use shanivaar ko subah aath baje faansi di gayi aur jail parisar ke andar hi use dafna diya gaya. Guru ko saajish rachane aur 13 December, 2001 ko sansad par hamla karne vaale aatankvaadiyon ko sharan dene ka doshi paaya gaya tha jismein nau logon ki maut ho gayi thi.

Afzal Guru Ka Antim Khat 26 Ghanton Mein Usaki Beevi Ko Mila http://www.angrejinews.com/pic/1828