Afghanistan Mein Hue Bhooskhalan Mein Kam Se Kam 350 Log Maare Gaye Hain Sanyukt Raashtra

Breaking »

Afghanistan Mein Hue Bhooskhalan Mein Kam Se Kam 350 Log Maare Gaye Hain  Sanyukt Raashtra

Photo kredit: Epi Photo kredit: Epi Kabul: sanyukt raashtra ka kehna hai ki uttari Afghanistan mein hue bhooskhalan mein aaj kam se kam 350 log maare gaye hain. Sangathan ne kaha ki abhi bhi malabe mein fanse hue logon ko bachaane ke liye bade paimaane par bachaav kaarya chal raha hai. Afghanistan mein sanyukt raashtra mission ne ek bayaan mein kaha, 'Mrutakon ki sankhya badhkar 350 ho gayi hai aur badi sankhya mein visthaapan ki aashanka hai. ' uske anusaar, haadase mein jeevit bache, lekin visthaapit ho chuke logon ki sahaayata ke liye kaaryakarta mauke par pahunch gaye hain. gaurtalab hai ki desh ke poorvottar mein bhaari baarish ke kaaran hue bhooskhalan mein ek gaanv pahaad ke neeche dab gaya, jisse 2,000 se adhik log laapata bataae ja rahe hain. isse pehle baadakashaan praant ke Governor shaah valeeuddeen adeeb ne kaha ki hobo baareek naamak gaanv par ek pahaad ke gir jaane ke baad se 2,000 se adhik log laapata hain. Bhooskhalan se ilaake mein kareeb 300 makaan dab gaye. Governor ne kaha ki bachaav dal ke log kaam kar rahe hain, lekin unke paas paryaapt maatra mein upakaran naheen hain. Adeeb ne kaha, 'Filhaal shaareerik roop se hamaare ke liye bahut kuchh kar paana sambhav naheen hai. Hamaare paas malaba hataane ke liye paryaapt maatra mein aujaar naheen hai. Hamein aur adhik machinery ki jaroorat hai. ' unhonne kaha ki prashaasan ne aage bhooskhalan ki aanshaka ko dekhte hue paas ke ek anya gaanv ko khaali kara liya hai.

Afghanistan Mein Hue Bhooskhalan Mein Kam Se Kam 350 Log Maare Gaye Hain Sanyukt Raashtra http://www.angrejinews.com/pic/49376