Adhik Mobile Bill Dene Ke Liye Ho Jaaen Taiyaar

Business »

Adhik Mobile Bill Dene Ke Liye Ho Jaaen Taiyaar

Nai Delhi ab badhe hue mobile bill dene ke liye taiyaar ho jaaen. Telikaum oparetars daam badhaane ki taiyaari kar rahe hain. Karj ke bojh tale dabe oparetars ab oonchi laagat aur badhe kharchon ko poora karne ke liye tairif plaan badalne vaale hain. Desh ke sabse bade mobile oparetar Airtel ne Budhvaar ko is baat ka ailaan kar diya ki vah apne tairif plaan rivaaij kar rahi hai. Iske baad vodaafon aur aaidiya jaise doosare oparetars ke bhi aisa hi karne ki sambhaavana hai. Udhar, Reliance kamyunikeshans ne to daam badha bhi diye hain. Budhvaar ko bhaarati Airtel ne sanket diye ki vah paanch saal mein pehli baar besik call rets badha sakti hai. Haalaanki usak shuruaati jor diskaaunt ko kam karne par hai. Haalaanki eksaparts ka kehna hai ki bhaarati ko vitteeya haalat sudhaarane ke liye call tairif daron mein badhotri karne ki jaroorat hai, lekin uske paas bahut skop naheen hai. Daraasal, vodaafon India aur aaidiya selyular ne kaha hai ki ve besik call rate naheen badhaaengi. Vodaafon desh ki doosari aur aaidiya teesari badi company hai. Ye donon users ko diye ja rahe diskaaunt vaapas le rahi hain. Bhaarat aur south Asia ke bhaarati Airtel ke CEO gopaal vittal ne ek press conference mein bataaya, 'Abhi jis dar par call service ofar ki ja rahi hai, use banaae rakhana mushkil hai. ' unhonne kaha ki telikaum companiyon ko network rolaaaut, optikl faaibar, spectrum aur diesel par jyaada kharch karna pad raha hai. Mobile tower saaits par generator chalaane ke liye diesel ki jaroorat padti hai. Vittal ne kaha ki ab tak company tairif badhaane se bachati I hai, lekin aage chalakar iska mauka ban sakta hai. Haalaanki company ki praayariti abhi free call minutes kam karne par hai. Postaped users ke phone bill mein besik call chaarjej shaamil hote hain. Companiyaan tairif plaan ke tahat is par free minutes jaise diskaaunt deti hain. Kul mobile sabsakraaibars mein preeped users ki sankhya 95 parseint hai. Unhein amooman tay samay ke liye diskaaunt vaauchar milta hai. Preeped vaauchar ki vailiditi ghataakar companiyaan kastamar ko tauk time jald khatm karne ke liye majaboor karti hain. Agar ve besik call rate mein badhotri karti hain, to isse preeped aur postaped kastamars ke liye call karne ka minimm rate badhega. Call rate badhaane par telecom oparetars ka cash flo badhega. Isse ve network ko behtar banaane aur kaamkaaj ke vistaar ke liye inavestameint kar paaenge. Pichhli teen-chaar timaahiyon se kai telecom companiyaan chupachaap diskaaunt mein katauti kar rahi hain, lekin unhonne ab tak besik rate mein badlaav naheen kiya hai. Unhein dar hai ki besik rate badhaane par sabsakraaibars door ja sakte hain. Haalaanki Reliance kamyunikeshans ne mid April mein preeped kastamars ke liye is dar mein 20 parseint ki badhotri ki thi. Haalaanki usane postaped kastamars ke liye darein jas ki tas rakhi hain.

Adhik Mobile Bill Dene Ke Liye Ho Jaaen Taiyaar http://www.angrejinews.com/pic/49205