Adaalat Ne Thailand Ki Pradhaanamantri Aur Nau Cabinet Mantriyon Ko Pad Se Hataaya

Breaking »

Adaalat Ne Thailand Ki Pradhaanamantri Aur Nau Cabinet Mantriyon Ko Pad Se Hataaya

Bainkauk: Thailand ki ek adaalat ne pradhaanamantri yingalak shinaavaatra aur unki cabinet ke nau mantriyon ko satta ke durupayog ke ek maamale mein doshi thaharaate hue unke pad se barkhaast kar diya. Iske saath hi sankatagrast desh mein nai raajaneetik uthal-puthal paida ho gayi hai. samvaidhaanik adaalat ne kaha ki thaavil plenasari ko raashtreeya suraksha parishad ke mahaasachiv ke pad se sthaanaantarit karne mein yingalak ki bhoomika thi aur yeh sthaanaantaran asaamaanya tareeke se jaldabaaji mein kiya gaya. adaalat ne kaha ki yeh sthaanaantaran keval chaar din mein kiya gaya aur sthaanaantaran sambandhi dastaavejon ki tithiyon mein visangati thi, isliye yeh prakriya aniyamit thi. Peethaaseen judge chaaroon intaachaan ne apne aadesh mein kaha, isliye unka pradhaanamantri ka darja samaapt ho gaya hai. . . Yingalak kaaryavaahak pradhaanamantri ke roop mein apne pad par ab bani naheen rah sakti hain. adaalat ki is kaaryavaahi ka prasaaran TV par kiya gaya. Adaalat ne apne aadesh mein kaha ki yingalak ne sthaanaantaran ko manjoori dene mein hissa liya.

Adaalat Ne Thailand Ki Pradhaanamantri Aur Nau Cabinet Mantriyon Ko Pad Se Hataaya http://www.angrejinews.com/pic/49875