Abhyaas Match Mein Chamake Parvez Rasool Ko Bhaarat Se Khelne Ki Ummeed

Cricket »

Abhyaas Match Mein Chamake Parvez Rasool Ko Bhaarat Se Khelne Ki Ummeed

Chennai: Australia ke khilaaf abhyaas match mein prabhaavashaali geindabaaji karne vaale Jammu-Kashmir ke yuva all-rounder Parvez rasool ka maanana hai ki vah IPL sahit bade maichon mein achha pradarshan kar sakta hai aur desh ke liye khel sakta hai. Board adhyaksh ekaadash ki taraf se Australiaee paari mein 45 run dekar saat wicket lene vaale rasool ne kaha, sabse pehle Allah aur chayanakartaaon ka shukriya, jinhonne mujhe yeh mauka diya. Australia ke khilaaf achha pradarshan karna mere liye badi upalabdhi hai. Yadi mujhe adhik mauke milte hain to main apna sarvashreshth pradarshan karne ki koshish karoonga. England ke khilaaf abhyaas match ke liye Bhaarat 'A' team mein chune gaye Kashmir ghaati ke pehle cricketer rasool ne kaha, mainne abhi kisi IPL team se karaar naheen kiya hai, lekin mujhe ummeed hai. Yadi aisa hota hai to main achha pradarshan kar sakta hoon aur Bhaarat ki taraf se bhi khel sakta hoon. Australiaee test khilaadi Matthew wed aur steven smith ko out karne se unhein sabse adhik santosh mila. Rasool ne kaha, flight mera majaboot paksh hai. Smith aur wed ke wicket se mujhe bahut khushi mili, kyonki mainne unhein flight se apne jaal mein fansaaya. Unhonne apne shuruaati coach ki bhi taareef ki. Rasool ne kaha, main Kashmir ke anantanaag jile ke brujabehada ka rahane wala hoon aur vahaan mere coach abdul kayoom hain, jinhonne achhe star ki cricket kheli hai. Mainne apne raajya ki taraf se junior cricket khelne se pehle unase is khel ke baare mein seekha. Unhonne kaha, mainne har star par junior cricket kheli hai. Mere abboo aur bhaai cricket khelte the. Mera bhaai Asif Ranji trophy mein bhi khela hai. Rasool se poochha gaya ki kya vah anantanaag ke yuvaaon ke liye aadarsh banana chaahate hain, unhonne kaha, beshak, main kadi mehnat karoonga aur apna sarvashreshth pradarshan karoonga. Rasool ne apni safalta ka shreya poorv bhaarateeya kaptaan aur baaen haath ke spinner Bishan Singh bedi ko bhi diya. Unhonne kaha, geindabaaj ke roop me mainne jo safalataaen haasil ki hain main usaka shreya unhein deta hoon. Unhonne hamesha mujhe wicket ke liye geind ko taas karne se naheen ghabaraane ki salaah di. Unhonne flight ko mera mukhya hathiyaar banaane mein meri bahut madad ki. Rasool ne kaha, unhonne mujhse kaha ki doosra ko lekar prayog karne ki jaroorat naheen hai. Jab pehla achha daalte ho to doosare ki jaroorat kyon.

Abhyaas Match Mein Chamake Parvez Rasool Ko Bhaarat Se Khelne Ki Ummeed http://www.angrejinews.com/pic/1770