Abhineta Suneel Shetty Par Dhokhaadhadi Ka Maamala Darj

Breaking »

Abhineta Suneel Shetty Par Dhokhaadhadi Ka Maamala Darj

Udaipur: Udaipur shahar ke hirnamagari thaane mein guruvaar ko film abhineta suneel Shetty par dhokhaadhadi ka maamala darj kiya gaya hai. hirnamagari thaanaadhikaari ne darj report ke havaale se bataaya ki Shetty par aarop hai ki unhonne film 'Mumbai kiski hai' mein kaam karne ke liye 70 lakh rupaye tay kiye. Ismein se 21 lakh rupaye advance le liye. Chhah maheene baad suneel Shetty ne film mein kaam karne aur advance raashi lautaane se mana kar diya. Is par Udaipur ke hirnamagari sector-3 nivaasi producer Hemendra rajput ne maamala darj karaaya hai. Hemendra bataur film nirmaata pehli baar yeh film banaane ja rahe the. thaanaadhikaari ke anusaar June, 2013 mein Mumbai ke nirdeshak babu bhatt ke maadhyam se Hemendra Singh ne suneel Shetty ko 70 lakh rupaye mein sign kiya tha. Kuchh din baad Shetty ke sahaayak aasheesh ne advance raashi jama karavaane va egrimeint karne ki baat kahi. Unhone bataaya ki Hemendra ne 10 July ko bank of India ke maadhyam se Shetty ke khaate mein 21 lakh rupaye traansafar kiye. darj report ke anusaar suneel Shetty ne film mein kaam karne se mana kar diya, saath hi advance raashi bhi lautaane se inkaar kar diya. Thaanaadhikaari ne bataaya ki maamale ki jaanch ki ja rahi hai. Gaurtalab hai ki 'Mumbai kiski hai' film ki shooting Mumbai aur Udaipur mein hone waali thi.

Abhineta Suneel Shetty Par Dhokhaadhadi Ka Maamala Darj http://www.angrejinews.com/pic/49335