Abhi Naheen Riha Ronge Rajiv Gandhi Ke Hatyaare, Supreme Court Ne Maamala Samvidhaan Peeth Ko Saunpa

Breaking »

Abhi Naheen Riha Ronge Rajiv Gandhi Ke Hatyaare, Supreme Court Ne Maamala Samvidhaan Peeth Ko Saunpa

Nai Delhi: poorv pradhaanamantri Rajiv Gandhi ke hatyaaron ki rihaai ke maamale ko Supreme court ne samvidhaan peeth ke havaale kar diya hai. Peeth ka gathan teen maheene ke andar kiya jaaega. saja mein chhoot ke mudde par faisala karne ki khaatir nyaayaalaya ne samvidhaan peeth ke liye saat prashn taiyaar kiye hain. Samvidhaan peeth yeh bhi faisala karegi ki jis kaidi ki saja mrutyudand se badal kar umrakaid ki gayi hai, kya us saja mein sarkaar dvaara chhoot di ja sakti hai. Supreme court ne yeh kadam kendra sarkaar ki us yaachika par uthaaya hai, jismein Tamil Nadu ki jayalalita sarkaar ke us nirnaya ko chunauti di gayi thi, jiske tahat Rajiv Gandhi ki hatya ke saat doshiyon ki rihaai ki baat kahi gayi thi. Supreme court ka yeh nirnaya aaj cheef Justice pi sataashivm ke kaaryakaal ke aakhiri din aaya hai. Tamil Nadu sarkaar ne in saaton doshiyon ko riha karne ka faisala kiya tha, lekin kendra sarkaar ne kaha tha ki Tamil Nadu sarkaar aisa naheen kar sakti, kyonki is case ki jaanch CBI ne ki thi aur bina usaki ijaajat ke aisa naheen kiya ja sakta. Saath hi kendra sarkaar ne kaha tha ki Rajiv Gandhi ki hatya behad gambhir aur jaghanya aparaadh hai aur iske liye doshiyon ko maaf naheen kiya ja sakta. isse pehle, Supreme court ne 18 February ko diye apne faisale mein Rajiv Gandhi hatyaakaand ke teen doshiyon - murugan, saanthan aur peraarivlan ki faansi ki saja radd kar di thi. Supreme court ne inki daya yaachikaaon mein jaroorat se jyaada vakt lene ka kaaran bataaya tha. isi faisale ke baad Tamil Nadu ki mukhyamantri jayalalita ne doshiyon ki rihaai ka aadesh diya tha, jis par kendra sarkaar ki yaachika ke baad Supreme court ne stay laga diya tha.

Abhi Naheen Riha Ronge Rajiv Gandhi Ke Hatyaare, Supreme Court Ne Maamala Samvidhaan Peeth Ko Saunpa http://www.angrejinews.com/pic/48552