Ab Teen Maheene Tak Bhopal Mein Raheinge Amitabh Bachchan

Movies »

Ab Teen Maheene Tak Bhopal Mein Raheinge Amitabh Bachchan

Nai Delhi: Bollywood ke mahaanaayak Amitabh Bachchan agale teen maheene apni sasuraal ke shahar Bhopal mein bitaaenge, jahaan unhonne filmkaar prakaash jha ki nai film 'Satyaagrah' ki shooting shuroo kar di hai. Amitabh Bachchan ne apne blog par likha, "Main prakaash jha ki 'Satyaagrah' ki shooting ke liye Bhopal mein hoon. . . Mere saath yahaan iske anya mahatvapoorn sitaare Ajay devagan, Kareena Kapoor, arjun Rampal aur manoj baajapeyi va anya kalaakaar bhi hain. . . Film ka vishay bahut majaboot, gahra aur dilchasp hai. . . " Vaise 70-varsheeya Amitabh Bachchan ke liye lambe samay baad apna ghar chhodna thakaan-bhara raha, lekin ab vah theek hain. Unhonne kaha ki vah film shuroo hone se lekar film samaapt hone tak Bhopal mein hi raheinge. Amitabh Bachchan guruvaar ko apne bete Abhishek Bachchan va bahoo Aishwarya rai aur poti aaraadhya ke saath Bhopal pahunche the, haalaanki baaki teenon usi din mumbai laut gaye the. Unhonne blog par likha, "Main Abhishek, Aishwarya va nanhi aaraadhya ko bhi vimaan mein apne saath laaya tha, taaki ve yahaan rahane waali apni naani va jaya ki maan aur unki chhoti bahan va unke parivaar se mil sakein. Ve teenon shaam ko hi vaapas chale gaye. "

Ab Teen Maheene Tak Bhopal Mein Raheinge Amitabh Bachchan http://www.angrejinews.com/pic/1934