Ab 'Ilastris Karaaega Antariksh Aur Aakaashagangaaon Ki Sair

Breaking »

Ab 'Ilastris Karaaega Antariksh Aur Aakaashagangaaon Ki Sair

Prateekaatmak chitr Prateekaatmak chitr Washington: antaheen antariksh ki yaatra hamesha se maanav ki chaahat rahi hai, aur ise lekar anek prakaar ke prayog aur khoj lagaataar jaari hain. . . Ab isi disha mein kuchh khagolashaastriyon ne 'Ilastris' (Illustris) naamak ek aisa aabhaasi brahmaand taiyaar kiya hai, jismein yaatra kar aap brahmaand ke srujan se lekar ab tak ke safar ka lutf utha sakeinge. . . 13 arab saalon ke vikaas ki kahaani bataane vaale 'Ilastris' mein safar ke dauraan aap apni marji se samay mein aage ya peechhe bhi ja sakte hain aur tamaam aakaashagangaaon ki yaatra kar sakte hain. . . Daraasal, ilastris ek super computer program ke tahat kaam karta hai, jismein 3-di takaneek ke jariye antariksh ke vikaas ki kahaani dikhaai gayi hai. . . Ismein safar ke dauraan aisa mahasoos hota hai ki aap sach mein kisi aur kaalakhand mein aa gaye hain aur uske saath yaatra kar rahe hain. . . computer ke is progaam mein 8,000 seepeeyoo (central processing unit) ek saath kaam karte hain. . . Agar ek saadhaaran seepeeyoo ko is progaam ki ganana mein lagaaya jaae, to use 2,000 saal se bhi zyaada ka samay lag sakta hai. . . kisi time machine ki tarah is computer ke jariye antariksh ki yaatra 'Bigbaing' ke 12 karod saal baad shuroo hoti hai aur vartamaan samay tak pahunchati hai. . . Is dauraan aakaashaganga aur doosare kai taaraasamoohon ki yaatra bhi ki ja sakti hai. . .

Ab 'Ilastris Karaaega Antariksh Aur Aakaashagangaaon Ki Sair http://www.angrejinews.com/pic/50077