'Aashiki-2 Ke Gaayak Ankit Tivaari Rape Ke Aarop Mein Giraftaar

Breaking »

'Aashiki-2 Ke Gaayak Ankit Tivaari Rape Ke Aarop Mein Giraftaar

Mumbai: pichhle varsh release hui film 'Aashiki 2' ke geet 'Sun raha hai na too. . . ' se lokapriya hue paarshvagaayak ankit tivaari tatha uske bhaai ankur tivaari ko Mumbai ki varasova police ne kathit roop se balaatkaar karne ke aarop mein giraftaar kiya hai. ek sootr ke anusaar, balaatkaar ki 28-varsheeya shikaar filmodyog se judi mahila naheen hai, aur vah chhuttiyaan manaane ke liye varasova mein rahane waali apni bahan ke ghar I thi. Ankit tivaari ki us mahila se mulaakaat ek mitr ke jariye hui, aur ve sampark mein rahane lage. Bataaya jaata hai ki donon bhaai peedita ki bahan ke ghar aksar jaaya karte the. police ka kehna hai ki vaaradaat Budhvaar raat ko hui. Police ne tathyon ki pushti kiye bina yeh bhi bataaya ki peedita dvaara aarop lagaaya gaya hai ki ankit aur ankur unke ghar pahunche, jahaan ankur ne mahila ke gale par chaakoo rakhakar kaaboo kiya, aur ankit ne uske saath balaatkaar kiya. Mahila ke anusaar, ankur ne use is vaaradaat ke baare mein kisi ko bhi bataane par bure anjaam bhugatne ki dhamaki bhi di thi. filhaal police ne donon bhaaiyon ko giraftaar kar liya hai, tatha tafteesh jaari hai.

'Aashiki-2 Ke Gaayak Ankit Tivaari Rape Ke Aarop Mein Giraftaar http://www.angrejinews.com/pic/49979