Aasaan Naheen Hogi Kaumediyn Se Neta Bane Raajoo Shreevaastav Ki Dagar

Movies »

Aasaan Naheen Hogi Kaumediyn Se Neta Bane Raajoo Shreevaastav Ki Dagar

Lucknow: Alag-alag manchon aur kaaryakramon mein raajanetaaon ka hamesha majaak udaane vaale staind-ap kaumediyn raajoo shreevaastav ab khud neta banane ja rahe hain, lekin 'Comedy King' ke naam se mashahoor raajoo aur unhein unke gruhanagar Kanpur ki seat se Loksabha pratyaashi banaane waali sattaaroodh samaajavaadi party ke liye yah badi chunauti hai, kyonki unka mukaabala keindreeya koyala mantri shreeprakaash jaayasavaal se hoga. Varsh 2014 ke aam chunaav mein zyaada se zyaada Loksabha seatein jeetne ki kavaayad mein juti samaajavaadi party (sapa) ke raashtreeya mahaasachiv raamagopaal Yadav ne Budhvaar ko apne hi ek lokapriya charitra 'Gajodhar bhaiya' ke naam se pukaare jaane vaale raajoo ki ummeedavaari ki aadhikaarik ghoshana ki. Is mauke par raajoo shreevaastav ka kehna tha, "Ab tak mainne ghante-aadha ghante ke sho karke logon ko thodi der tak khushi di hai, lekin ab main logon ko hamesha ke liye khushiyaan dena chaahata hoon. Main logon ke beech utarakar vikaas ke liye sangharsh karna chaahata hoon. Mujhe apne jeevan mein jo kuchh bhi logon se mila hai, main ab use lautaana chaahata hoon. " Kanpur ke kidvai nagar mohalle mein rahane vaale raajoo shreevaastav vaise to kai raajaneetik dalon ke netaaon ke yahaan haasya sho kar chuke hain aur har dal ke netaaon ke saath unke achhe sambandh hain, lekin raajaneeti mein kadam rakhane ke liye unhonne samaajavaadi party ko kyon chuna, is savaal par unhonne kaha, "Vaise to mera sabhi raajaneetik dalon ke netaaon ke saath bhaaichaara hai, lekin haal hi mein main uttar pradesh ke mukhyamantri evam samaajavaadi party ke neta Akhilesh Yadav ke sampark mein aaya, aur mainne unki kaaryashaili ko dekha. Mujhe laga ki vah vikaas ke liye kuchh karna chaahate hain, aur unke saath kaam karke main janta ke liye kuchh kar sakta hoon. " Udhar, samaajavaadi party ka yah nirnaya Kanpur se teen baar Congress ke saansad rahe aur filhaal kendreeya mantri shreeprakaash jayasavaal ki chunaavi dagar ko mushkil bana sakta hai, kyonki varsh 1991 se 1998 tak is seat se jeetne waali bhaarateeya janta party (bhaajapa) bhi is baar kisi kaddaavar neta ko yahaan se chunaavi jang mein utaarane ki taiyaari kar rahi hai, aur iske liye party ke vartamaan vidhaayak sateesh mahaana aur poorv pradeshaadhyaksh kalaraaj mishr ke naamon ki charcha jaari hai. Raajoo shreevaastav ki ummeedavaari ke baare mein savaal kiye jaane par shreeprakaash jaayasavaal ne tippani karne se inkaar karte hue sirf itna kaha ki yah samaajavaadi party ka apna nirnaya hai. So, ab dekhna yah hai ki logon ko hansaane vaale vaale raajoo raajaneeti ke maidaan mein utarakar janta ko apni taraf aakarshit karne aur diggaj neta shreeprakaash jaayasavaal ko patakhani dene ke liye samaajavaadi party ka brahmaastr siddh hote hain ya naheen. Maujooda vidhaanasabha mein Kanpur jile ki 10 vidhaanasabha seaton mein se paanch par samaajavaadi party kaabij hai, jabki chaar par bhaajapa aur ek par Congress ke vidhaayak hain. Raajoo shreevaastav ki ummeedavaari se utsaahit unke chhote bhaai kaajoo shreevaastav ne kaha ki shreeprakaash jaayasavaal teen baar se Kanpur ke saansad hain, aur do baar se lagaataar kendra mein mantri hain, lekin unhonne Kanpur ka koi vikaas naheen kiya, isliye mujhe poori ummeed hai ki vikaas ke sankalp ko lekar raajaneeti mein utarane vaale mere bhaai ko Kanpur ki janta jaroor vijayi banaaegi.

Aasaan Naheen Hogi Kaumediyn Se Neta Bane Raajoo Shreevaastav Ki Dagar http://www.angrejinews.com/pic/1850