Aarushi Case Talavaar Danpati Ko Bari Kiye Jaane Ke Khilaaf CBI Ki Appeal Par Sunavaai Ko SC Taiyaar

Breaking »

Aarushi Case Talavaar Danpati Ko Bari Kiye Jaane Ke Khilaaf CBI Ki Appeal Par Sunavaai Ko SC Taiyaar

Nai Delhi Supreme court CBI ki us yaachika ki sunavaai ke liye taiyaar hai, jismein jaanch agency ne talavaar danpati ko apni beti aarushi aur naukar Hemraj ki hatya ke maamale mein bari kiye jaane ke faisale ko chunati di gayi hai. Justice ranjan gogoi ki aguaai waali bench ne kaha ki CBI ki yaachika ki sunavaai Hemraj ki patni ki yaachika ke saath ki jaaegi. Hemraj ki patni ne bhi saal talavaar danpati ko bari kiye jaane ke Allahabad haai court ke faisale ko Supreme court mein chunauti di hai. CBI ki taraf se adishnal salisitr general manindar Singh ne Hemraj ki patni ki taraf se daayar yaachika ka havaala diya, jis par bench ne CBI ki appeal ko bhi uske saath jodne ka faisala kiya. Bata dein ki May 2008 mein 14 saal ki aarushi apne Noida sthit ghar mein mrut mili thi. Usaka gala kata hua tha. Shuruaat mein hatya ke shak ki sui naukar Hemraj (45) ke oopar gayi kyonki vah laapata tha. 2 din baad Hemraj ka shav bhi ghar ki chhat par mila. Ghaziabad sthit CBI court ne 26 November 2013 ko is maamale mein dant chikitsak Doctor raajesh talavaar aur Doctor noopur talavaar ko doshi thaharaate hue umrakaid ki saja sunaai thi. Trial court ke faisale ko talavaar danpati ne Allahabad haai court mein chunauti di. Pichhle saal 12 October ko haai court sabooton ke abhaav mein donon ko bari kar diya.

Aarushi Case Talavaar Danpati Ko Bari Kiye Jaane Ke Khilaaf CBI Ki Appeal Par Sunavaai Ko SC Taiyaar http://www.angrejinews.com/pic/217874