Aarthik Sambandhon Par Jyaada Dhyaan De Bhaarat-Pak Ameriki Think Tank

Business »

Aarthik Sambandhon Par Jyaada Dhyaan De Bhaarat-Pak Ameriki Think Tank

Washington ameriki shodh sansthaan atalaantik kaaunsil ne Bhaarat aur Pakistan ke sainya kharch ko aam janta ke liye nukasaanadaayi bataate hue donon deshon ke netaaon se aagrah kiya ki ve vyaapaar aur bharosa badhaane ke kadamon par adhik dhyaan dein. Sansthaan ne apni report mein kaha hai ki Bhaarat aur Pakistan ko sainya kharch par se apna dhyaan bharosa badhaane ke kadamon ki or modna chaahiye. Iske anusaar donon desh aapasi bharosa badhaane ke liye kai kadam utha sakte hain, jinmein aam logon mein adhik se adhik sampark, apni senaaon ke beech seedhe samvaad, apni-apni sainya yojanaaon va unki gatividhiyon ke baare mein adhik paaradarshita laana shaamil hai. Sansthaan ke anusaar iske alaava vyaapaar va paryatan ke liye seemaaon ko kholana tatha urja, jal kshetr mein sanyukt udyam sthaapit karna bhi madadgaar saabit ho sakta hai. Yeh report shooja navaaj aur mohan gurusvaami ne likhi hai. Ismein kaha gaya hai, 'Yeh spasht hai ki kharch mein badhotri se kisi bhi desh ki suraksha sunishchit naheen hoti hai, balki beete dashakon mein unke khatre badal gaye hain. Aantarik charamapanth tatha ugravaad ne donon deshon ko pareshaan kar rakha hai. ' iske anusaar nai misaailon ke utpaadan tatha saamarik parmaanu hathiyaaron se yeh utaar-chadhaav tatha khatra badha hai. Iske anusaar donon deshon ko aarthik va sainya sambandhon par baatcheet shuroo karni chaahiye.

Aarthik Sambandhon Par Jyaada Dhyaan De Bhaarat-Pak Ameriki Think Tank http://www.angrejinews.com/pic/48502