Aane Vaale Samay Mein Majaboot Hi Hogi Arthavyavastha Chidambaram

Breaking »

Aane Vaale Samay Mein Majaboot Hi Hogi Arthavyavastha  Chidambaram

Nai Delhi: vittamantri pi Chidambaram ne aaj kaha ki maujooda samprag sarkaar ke prayaason se arthavyavastha majaboot hone ja rahi hai. Unhonne kaha ki chaaloo khaate ke ghaate ko kam karke 32 arab dollar par la diya gaya hai aur raajakosheeya ghaata 2013-14 ke liye nirdhaarit lakshya ke bheetar raha hai. Haalaanki, unhonne kaha ki beete vitt varsh mein kul kar sangrah mein kami rahi hai. Chidambaram ne kaha, ham is baat se poori tarah santusht hain ki ham antarim bajat mein anumaanit raajakosheeya ghaate ke lakshya (GDP ke 4.6 pratishat) ko haasil kar leinge. Vittamantri ne yahaan Congress party mukhyaalaya mein samvaadadaataaon se kaha, chaaloo khaate ke ghaate ke morche par khushakhabari hai. Samaapt vitt varsh mein chaaloo khaate ka ghaata keval 32 arab dollar rahega, jo isse pichhle saal 88 arab dollar tha. Unhonne kaha ki chaaloo khaate ke ghaate ka lakshya na keval poori tarah se haasil kiya gaya hai, balki 28.5 arab dollar videshi mudra bhandaar mein joda gaya hai. vittamantri ne kaha ki varsh 2012-13 mein chaaloo khaate ka ghaata GDP ka 4.7 pratishat raha tha aur 2013.14 mein yeh keval 1.7 pratishat rahega. 'Isliye, ye achhe sanket hain. . . Aage chalakar arthavyavastha keval majaboot hi hogi. Haal hi mein share baajaaron mein I teji ke baare poochhe jaane par Chidambaram ne kaha, yadi aap har teji ka shreya is baat ko dete hain ki 'Modi aa rahe hain', to har giraavat ka shreya bhi 'Modi aa rahe hain' ko dena hoga. 'Iska is baat se kya lena-dena hai ki 16 May ko kaun jeetne ja raha hai. Chidambaram ne kaha ki share baajaar mein jo ghatit ho raha hai, vah is baat ko pratibinbat karta hai ki niveshak Bhaarat ki arthavyavastha mein sthirta aur majabooti ko lekar aur jyaada aashvast ho rahe hain.

Aane Vaale Samay Mein Majaboot Hi Hogi Arthavyavastha Chidambaram http://www.angrejinews.com/pic/48698