Aam Chunaav Bhaarat-America Sambandhon Ke Liye Naya Manch Taiyaar Kareinge Powell

Breaking »

Aam Chunaav Bhaarat-America Sambandhon Ke Liye Naya Manch Taiyaar Kareinge  Powell

Nai Delhi: aam chunaav ke baad Bhaarat aur America ke beech dwipaksheeya rishton mein dhilaai aane ke vichaaron ko khaarij karte hue America ne aaj kaha ki Bhaarat mein ho rahe aam chunaav Bhaarat-America sambandhon ke agale charan ke liye manch taiyaar kareinge. America ne iske saath hi yeh bhi kaha ki agar donon deshon ke sarkaarein sakht aur aham nirnaya leteen hain, to Bhaarat ke saath usaka dwipaksheeya kaarobaar paanch guna badhkar 500 arab dollar tak pahunch sakta hai. Bhaarat mein ameriki raajadoot ke pad se isi maheene isteefa dene ki ghoshana kar chuki Nancy Powell ne ek samaaroh mein kaha 'Raajadoot ke taur par mera kaaryakaal khatm ho raha hai aur apne nae ghar delaaveyar ja rahi hoon. In do saal mein humne bahut sa kaam kiya aur kuchh sankaton ko taala. ' unhonne kaha ki sabse badi baat yeh hai ki donon deshon ne paarasparik suraksha ke maamale mein sahayog badhaane ke prati fir se pratibaddhata jataai. vyaapaar badhaane ke sambandh mein Nancy ne kaha ki iske liye donon sarkaaron ko kuchh sakht lekin mahatvapoorn faisale karne honge, haan dwipaksheeya utpaad aur seva kaarobaar mein 500 arab dollar ka star praapt karna chunauteepoorn hoga, lekin ek mahatvaakaankshi lakshya sthaapit karne mein yeh aade naheen aana chaahiye. America aur Bhaarat ka dwipaksheeya kaarobaar filhaal 100 arab dollar hai. Bhaarat mein jaari aam chunaav par paavel ne kaha, 'Yeh hamaari dwipaksheeya rishton mein agale charan ke liye upayukt maahaul taiyaar karega. . Yeh is samay pehle se kaafi mahatvapoorn hai ki donon desh aapasi suraksha aur samruddhi ke liye pratibddhataaon ko doharaayein. ' desh mein jaari aam chunaav ki mataganana 16 May se shuroo hogi. Uske baad hi nai sarkaar ka gathan hoga.

Aam Chunaav Bhaarat-America Sambandhon Ke Liye Naya Manch Taiyaar Kareinge Powell http://www.angrejinews.com/pic/48613