Aam Bajat Hoga 'Jimmedaari Bhara Chidambaram

Business »

Aam Bajat Hoga 'Jimmedaari Bhara  Chidambaram

London: Vitt mantri pi. Chidambaram ne kaha ki aam chunaav abhi 15 maheene door hain aur agale maheene pesh hone wala bajat ek 'Jimmedaari bhara' bajat hoga. Yahaan vaishvik niveshakon ko sambodhit karte hue unhonne kaha ki sarkaar chunaav aane tak kai nirnayon aur badlaavon ko laagoo karegi. Chidambaram pichhle saptaah se vishv ke niveshakon se milne nikle hue hain aur is kram mein niveshakon ke saath unki yeh chauthi bathak thi. Chidambaram ne kaha ki in baithakon ke dauraan niveshakon ne raajaneetik sthirta aur sudhaaron ko aage badhaane mein sarkaar ki kshamata par sandeh prakat kiye. Vitt mantri ne iske javaab mein kaha, 'Unhonne 2014 mein hone vaale aam chunaav ki or sanket diya or kaha ki chunaav ko najadeek aate dekh hamaare paanv dagamaga jaaenge. ' Baithak ke baad Chidambaram ne kaha, 'Mainne unhein aashvast kiya ki chunaav hone mein abhi 15 maheene baaki hain aur aam bajat February mein pesh kiya jaaega jo ki ek jimmedaareebhara bajat hoga aur ismein kai nirnayon ko laagoo kiya jaaega. ' Chidambaram ne kaha ki niveshakon ki is chinta ka koi aadhaar naheen hai ki 'Ham kuchh bhi kahein chunaav ko dekhte hue ham apni jimmedaari darakinaar kar deinge. ' unhonne kaha ki agar ham sammelan mein shaamil hone vaale logon ki sankhya aur jo prashn unhonne poochhe hain, use dekhein to saaf pata chalta hai ki Bhaarat ke liye logo mein paryaapt ruchi hai.

Aam Bajat Hoga 'Jimmedaari Bhara Chidambaram http://www.angrejinews.com/pic/537