Aakhir Bik Hi Raha Hai Kishor Kumar Ka Pushtaini Ghar

India »

Aakhir Bik Hi Raha Hai Kishor Kumar Ka Pushtaini Ghar

Bhopal Mashahoor gaayak aur film abhineta kishor Kumar ka pushtaini ghar antat: Bik hi raha hai. Madhya pradesh ke khandava shahar mein sthit is ghar ko na to kishor ka smaarak banaaya jaaega aur na hi parivaar ise sanbhaal kar rakhega. Khandava ke hi ek vyavasaayi ne Bombay baajaar sthit is ghar ka sauda kiya hai. Ek jamaane mein shahar ki shaan raha yeh ghar ab jarjar haalat mein hai. Ise khareed raha vyavasaayi ab us jagah par vyaavasaayik complex banaaega. Vyavasaayi ka daava hai ki kishor ke pushtaini ghar ka sauda usane kareeb saade 14 karod mein kiya hai. Kishor ke chhote bete sumit Kumar ne yeh sauda kiya hai, lekin kishor ke bade bhaai anoop ke bete arjun ne ghar beche jaane se inkaar kiya hai. Arjun is ghar ke bade hisse ke maalik hain. Is ghar mein beeta tha bachapan Ullekhaneeya hai ki kishor Kumar ka janm 4 August 1929 ko khandava ke tatkaaleen vakeel kunjeelaal Ganguly ke ghar hua tha. Unki maan ka naam gaura devi tha. Mashahoor film abhineta ashok Kumar aur anoop Kumar unke bade bhaai the. Unki ek bahan thi, jinka naam sati devi tha. Khandava ke Bombay baajaar sthit is ghar mein kishor ka bachapan beeta tha. College ki padhaai unhonne Indore se ki thi. Madhya pradesh sarkaar har saal kishor da ki yaad mein khandava mein aayojan karti hai. Kishor ke ghar ko unka smaarak banaae jaane ki maang saalon se uth rahi hai, lekin makaan ka maalikaana hak unke parijanon ke paas hone ke kaaran koi faisala nahi ho paaya. Sootron ke mutaavik is makaan ke 75 pratishat hak kishor ke bhateeje arjun aur 25 pratishat unke chhote bete sumit ke paas hai. Hamesha ke liye khatm ho jaaengi yaadein Abhaya jain naam ke vyavasaayi ne is ghar ka sauda sumit ke saath kiya hai. Abhaya jain ke mutaabik, poore makaan ka sauda kareeb 14 karod mein hua hai. Haalaanki abhi iski rajistri nahi hui hai. Kuchh kiraaedaaron se vivaad ki vajah se aisa hua hai. Unase baat chal rahi hai. Jald hi sahamati ban jaaegi. Uske baad rajistri kara li jaaegi. Yeh ghar kareeb saat hajaar varg foot mein hai. Udhar anoop Kumar ke bete arjun ne aise kisi saude se inkaar kiya hai, lekin abhaya jain ka daaba hai ki unhonne sauda kiya hai. Makaan bika ya naheen yeh to agale kuchh maheene mein saaf ho jaaega, lekin itna tay hai ki khandava se judi kishor ki yaadein hamesha ke liye khatm ho jaaengi.

Aakhir Bik Hi Raha Hai Kishor Kumar Ka Pushtaini Ghar http://www.angrejinews.com/pic/205934