Aaifa Deepika Best Ektres, 'Bhaag Milkha Bhaag Ko Paanch Award

Breaking »

Aaifa  Deepika Best Ektres, 'Bhaag Milkha Bhaag Ko Paanch Award

Taimpa be (America): farahaan Akhtar abhineet 'Bhaag milkha bhaag' ne antararaashtreeya bhaarateeya film academy (aaifa) puraskaar samaaroh mein sarvashreshth abhineta, sarvashreshth film aur sarvashreshth nirdeshak sahit paanch puraskaar apne naam kiye. farahaan Akhtar (40) ne is film mein apne damadaar abhinay ke liye sarvashreshth abhineta ka puraskaar apne naam kiya. Deepika Padukon (28) ko 'Chennai express' ke liye sarvashreshth abhinetri ka puraskaar mila. Unhein is shreni mein teen filmon ke liye naamaankit kiya gaya tha. Poorv dhaavak milkha Singh bhi puraskaar samaaroh mein upasthit the. Rakesh Omprakash Mehra ke nirdeshan mein bani film 'Bhaag milkha bhaag' unke jeevan par aadhaarit hai. Sarvashreshth nirdeshak ka puraskaar milne ke baad Mehra ne milkha Singh ka dhanyavaad kiya aur kaha, main iska hakdaar naheen hoon. Milkha Singh ne kaha, mujhe yahaan laane aur sammaan dene ke liye main aaifa ka dhanyavaad karta hoon. Main jindagi mein teen-chaar baar roya hoon. Jab kabhi mainne film dekhi, to roya. Jab main yahaan baitha tha, to film ko mile pyaar aur pehchaan ko dekhkar meri aankhon mein aansoo the. 'Bhaag milkha bhaag' ne sarvashreshth kahaani ki shreni mein puraskaar jeeta. Iske alaava film ki abhinetri divya datta ko sarvashreshth sah abhinetri ka puraskaar mila. Film mein unhonne milkha ki bahan ka kirdaar nibhaaya hai.

Aaifa Deepika Best Ektres, 'Bhaag Milkha Bhaag Ko Paanch Award http://www.angrejinews.com/pic/48778