Aadhaar Card Link Karaane Ki Deadline Ko 31 March Tak Badhaaegi Sarkaar

Breaking »

Aadhaar Card Link Karaane Ki Deadline Ko 31 March Tak Badhaaegi Sarkaar

Nai Delhi Sarkaari yojanaaon ka laabh uthaane ke liye aadhaar card jaroori karne ki deadline ko sarkaar ab badhaakar 31 March karegi. Supreme court mein aadhaar card ki anivaaryata ko lekar sunavaai ke dauraan sarkaar ne yeh baat kahi hai. Kendra sarkaar ki or se shukravaar ko adhisoochana jaari kar aadhaar ki anivaaryata ki deadline ko badhaaya jaaega. Ab tak adhiktar kalyaanakaari yojanaaon ka laabh uthaane ke liye 31 December, 2017 tak aadhaar card ko link karaana jaroori tha. Uttar pradesh: Janm lete hi ab banega aadhaar card Guruvaar ko sarkaari yojanaaon ka laabh uthaane ke liye aadhaar card ki anivaaryata ko chunauti dene waali yaachikaaon par Supreme court mein sunavaai ke dauraan sarkaar ne yeh baat kahi hai. Aadhaar ki anivaaryata par rok ki maang waali yaachikaaon par Supreme court ne samvaidhaanik bench gathit karne ki baat kahi hai. Cheef Justice deepak mishra ne yaachikaakartaaon se kaha ki agale saptaah adaalat 5 sadasyeeya samvidhaan peeth ka gathan karegi, jo arjiyon par sunavaai karegi. Padhein: Aadhaar na ho to raashan dene se naheen kar sakte inkaar Sarkaar ka paksh rakhate hue attorney general ke. Ke. Venugopaal ne kaha ki aadhaar card ki anivaaryata par ab rok naheen lagaai ja sakti kyonki ab is par kaafi aage badha ja chuka hai aur kai saal beet gaye hain. Unhonne kaha ki kendra sarkaar is masale par bahas karne ke liye taiyaar hai. Case ki sunavaai ke dauraan aadhaar card ki anivaaryata ko chunauti dene vaale yaachikaakartaaon ne sheersh adaalat se maamale ko teji se niptaane ki bhi maang ki.

Aadhaar Card Link Karaane Ki Deadline Ko 31 March Tak Badhaaegi Sarkaar http://www.angrejinews.com/pic/182923