900 Saal Lambe Sookhe Ne Mitaae Sindhu Ghaati Sabhyata Ke Nishaan

Breaking »

900 Saal Lambe Sookhe Ne Mitaae Sindhu Ghaati Sabhyata Ke Nishaan

Khadagpur Bhaarateeya praudyogiki sansthaan (IIT), Khadagpur ke vaigyaaniko ne lagbhag 4350 saal pehle sindhu ghaati sabhyata ke khatm hone ki vajah bane sookhe ki avadhi ka pata lagaaya hai. Ek shodh mein pata laga hai ki yeh sookha kuchh saal ya kuchh dashak naheen balki poore 900 saal tak chala tha. Isi ke saath vaigyaaniko ne us thiari ko bhi galat saabit kar diya jismein sookhe ke 200 saal mein khatm ho jaane ki baat kahi thi. Bhoogarbhashaastr aur bhoobhautiki vibhaag ke shodhakartaaon ne pichhle lagbhag 5000 hajaar saal ke dauraan maunasoon ke paitarn ko padha aur paaya ki lagbhag 900 saal tak uttar pashchim himaalaya mein baarish na ke baraabar hui. Is kaaran nadiyaan jo baarish ke sahaare bhari rahati theen, sookh gain. In nadiyon ke paas hi sindhu ghaati sabhyata basati thi. Nadiyon mein paani khatm hone se log poorv aur dakshin ki or chale gaye jahaan baarish behtar hoti thi. 900 saal chala sookha, palaayan kar gaye the log Team ne leh-Laddakh ki jheel mein 5000 saal tak rahe maunasoon ke paitarns ko padha. Shodh mein paaya gaya ki 2,350 beesi (4,350 saal pehle) se 1,450 beesi tak, maunasoon sabhyata vaale ilaake mein kaafi kamjor hone laga tha. Dheere-dheere sookha padne laga. Aise mein log hare ilaakon ki or palaayan karne lage. Bata dein ki sindhu nadi ke paas basane ke kaaran hi is sabhyata ka naam sindhu ghaati sabhyata pada tha lekin iske nishaan raavi, chinaab, vyaas aur satalaj ke kinaare bhi milte hain. In ghaatiyon se palaayan kar rahe log ganga-yamuna ghaati ki or poorv aur keindreeya UP, Bihar aur pashchim Bengal, madhya pradesh, vindhyaachal aur Gujarat jaane lage. Is khabar ko angreji mein padhein.

900 Saal Lambe Sookhe Ne Mitaae Sindhu Ghaati Sabhyata Ke Nishaan http://www.angrejinews.com/pic/201115