80 Saal Ki Umr Mein Sanyukt Raashtra Ke Poorv Mahaasachiv Kofi Annaan Ka Dehaant

Breaking »

80 Saal Ki Umr Mein Sanyukt Raashtra Ke Poorv Mahaasachiv Kofi Annaan Ka Dehaant

United nations Sanyukt raashtra ke poorv mahaasachiv aur shaanti prayaason ke liye Nobel sammaan se sammaanit kofi annaan ka 80 saal ki umr mein nidhan ho gaya. Mool roop se Ghana ke rahanevaale kofi annaan ko vaishvik star par shaanti prayaason aur gareebi unmoolan kaaryakramon ke liye jaana jaata hai. Annaan pehle afreeki mool ke sanyukt raashtra mahaasachiv the. Unhonne lagaataar do tarm 1997 se 2006 tak mahaasachiv ka padabhaar sambhaala. Mahaasachiv rahane ke dauraan unhonne 2015 tak vaishvik gareebi ko kam karne ka lakshya nirdhaarit kiya tha. Kofi annaan yuddh prabhaavit kshetron mein shaanti bahaal karne aur pravaasiyon ko fir se basaane ke liye vaishvik star par hone vaale kai prayaason ki aguaai kar chuke the. Haal ke dinon mein vah rohingya aur Syria ke sharanaarthi sankat ke samaadhaan ke liye kaam kar rahe the. Syria mein sankat ke samaadhaan ke liye unhonne Syriai raashtrapati bashar al asad se bhi mulaakaat ki thi.

80 Saal Ki Umr Mein Sanyukt Raashtra Ke Poorv Mahaasachiv Kofi Annaan Ka Dehaant http://www.angrejinews.com/pic/218986