6 Hafte Ki Bail Par Jail Se Nikle Laaloo Yadav, Ye Bandishein Bhi Hongi

Breaking »

6 Hafte Ki Bail Par Jail Se Nikle Laaloo Yadav, Ye Bandishein Bhi Hongi

Raancheebihaar ke poorv mukhyamantri aur aarajedi adhyaksh laaloo prasaad Yadav ko Jharkhand haai court ke aadesh par Budhvaar ko Ranchi ki donon vishesh CBI adaalaton ne ilaaj ke liye chhah saptaah ki antarim jamaanat par riha karne ki anumati de di. Iske baad ab Budhvaar shaam unhein Ranchi ke birsa munda jail se riha kiya ja sakta hai. Antarim jamaanat milne ke baad laaloo shaam ki udaan se Patna ke liye ravaana ho jaaenge. Udhar, adaalat ne jamaanat ke saath hi laaloo Yadav par kai bandishein bhi lagaai hain. Ismein media se baat na karna, raajaneetik kaaryakramon mein shaamil na hona bhi shaamil hai. Isse pehle Budhvaar ko haai court se laaloo ke ilaaj ke liye antarim jamaanat ka aadesh CBI ki vishesh adaalaton tak pahunch gaya aur donon vishesh adaalaton ne unki jamaanatein manjoor kar leen. Laaloo ke vakeel prabhaat Kumar Budhvaar ko vishesh CBI adaalat pahunche jahaan chaara ghotaale se jude teenon maamalon mein alag-alag bail bond bharne ki prakriya poori ki gayi. Aarajedi adhyaksh ke khilaaf do maamalon mein vishesh CBI adaalat ke nyaayaadheesh shivpaal Singh ne aur ek maamale mein RR prasaad ki adaalat ne saja sunaai thi. Lihaaja in teenon hi maamalon mein unhein jamaanatadaaron ke saath bail bond bharna pada. Laaloo par adaalaton ne anek bandhan lagaae hain. Bandishon ke alaava laaloo ko apne ilaaj ka vivran bhi adaalat ko dena hoga. Haai court ke aadeshaanusaar laaloo ko Budhvaar se 42 din baad apni saja poori karne ke liye jail vaapas lautana hai. Laaloo ke adhivakta ne bataaya ki adaalaton ke jamaanat par rihaai ke aadesh birsa munda jail bhej diye gaye hain aur Budhvaar shaam ko kisi bhi samay laaloo vahaan se riha ho jaaenge. Is beech laaloo ke kareebi aarajedi vidhaayak bhola Yadav ne bataaya ki party adhyaksh Budhvaar shaam ki udaan se hi Patna ke liye ravaana ho jaaenge. Isse poorv teen dinon ke parol par apne bade bete tej prataap Yadav ke vivaah mein shaamil hone ke baad laaloo 14 May ko Ranchi laute the aur adhikaariyon ne unhein nyaayik hiraasat mein birsa munda jail bhej diya kyonki Jharkhand haai court se unhein ilaaj ke liye shukravaar ko mile antarim jamaanat ka aadesh CBI ki vishesh adaalat mein naheen pahunch saka tha.

6 Hafte Ki Bail Par Jail Se Nikle Laaloo Yadav, Ye Bandishein Bhi Hongi http://www.angrejinews.com/pic/205366