5.5 Feesadi Rah Sakti Hai Vikaas Dar Maayaaraam

Business »

5.5 Feesadi Rah Sakti Hai Vikaas Dar Maayaaraam

Mumbai vitt sachiv Arvind maayaaraam ne shukravaar kaha ki aarthik vruddhi dar chaaloo vitt varsh mein 5.5 pratishat rah sakti hai. Maayaaraam ne ek puraskaar kaaryakram mein kaha, 'Vruddhi dar patari par aane ja rahi hai, kyonki hamaari buniyaad majaboot hai. Chaaloo vitt varsh mein vruddhi dar kareeb 5.5 pratishat tatha agale saal 6 pratishat se adhik rahani chaahiye. ' unhonne kaha ki arthavyavastha ke aane vaale samay mein uchch vruddhi ke raaste par lautane ki ummeed hai. Navaniyukt vitt sachiv ne kaha ki mudraasfeeti lagaataar chinta ka vishay bana hua hai, lekin al neenyo ka mudraasfeeti par padne vaale prabhaav par koi tippani karne se inkaar kar diya. Unhonne kaha, 'Mudraasfeeti chinta ka kaaran hai. Main al neenyo ke baare mein kuchh bhi kehne ki sthiti mein naheen hoon, kyonki bhaarateeya mausam vibhaag ne nishchit roop se kuchh naheen kaha hai. Mausam vibhaag ke anusaar desh mein is saal maunasoon saamaanya se kam rah sakta hai aur maunasoon ke dauraan al neenyo ki sambhaavana 60 pratishat hai. Sone ke aayaat par se ban hataane ke baare mein poochhe jaane par maayaaraam ne kaha, mujhe lagta hai ki chaahe sona ho ya fir koi anya aayaat, ham saavadhaani se cheejon ko dekh rahe hain. . . Agar pratibandh hataaya jaata hai to use soch samajhakar kiya jaaega. Unhonne kaha ki chaaloo khaate ke ghaate ko kaaboo mein karne ko jeet ghoshit naheen ki ja sakti, kyonki desh ki aayaat par nirbharata hai aur unamein se kuchh jinson mein lacheelaapan naheen hai.

5.5 Feesadi Rah Sakti Hai Vikaas Dar Maayaaraam http://www.angrejinews.com/pic/48631